UEFA: Manchester City  prohibi pa hunga den liga Europeo pa dos aña!

UEFA: Manchester City prohibi pa hunga den liga Europeo pa dos aña!

Posted on 02/14/2020 7:40 pm AST | Updated on 02/14/2020 7:42 pm AST

MANCHESTER – E ekipo di fubbol professional britanico Manchester City a keda sanciona pa e organisacion UEFA y a keda prohibi pa participa den e proximo dos temporada di futbol Europeo. Esaki debi na violacion di e reglanan Financial Fair Play-regels. Ademas, e gigante den futbol britanico tin cu paga un boet di 30 miyon euro.  

REACCION

City, cu a laga sa den su prome reaccion di ta desapunta pero no sorprendi, a bisa cu ta bay apela e sentencia pisa aki. No ta conoci ki tempo e caso aki lo bin dilanti cerca e tribunal internacional di deporte. 

KICO A PASA

Segun UEFA, City a mal informa e organisacion di futbol Europeo entre 2012 y 2016 riba su entradanan patrocina y e presupuesto. E club despues no a coopera suficiente cu e investigacion di UEFA. Tabata na fin di 2018 cu UEFA a inicia un investigacion contra City despues di e noticia cu e portal aleman Der Spiegel a publica, unda cu tabata mustra emailnan cu a lek y documentonan cu tabata demonstra fayo di parti di e club britanico. 

  • Bo salud ta importante ! traha tempo pa train ! bo sa dikon ?

    Bo salud ta importante ! traha tempo pa train ! bo sa dikon ?

    (ADVERTORIAL) 

  • Recomendashon pa un bida saludabel by rorofitness

    Recomendashon pa un bida saludabel by rorofitness

    (ADVERTORIAL )

  • Gobierno a dicidi di pone Management Team na Ibisa

    Gobierno a dicidi di pone Management Team na Ibisa

    ORANJESTAD – Gobierno di Aruba a pone un management team na cabez di Ibisa, mientras cu e directora anterior Monique van Emden a tuma su retiro. Asina minister di deporte Dangui Oduber a anuncia riba su pagina di Facebook diabierna. E Management Team ta consisti di Sr Wolff, sr Erasmus y sr Goedhart.  Instituto Biba Saludabel y Activo, IBiSA, ta un departamento di gobierno cu a ser funda dia 1 di juni 2012. IBiSA a bin na lugar di IDEFRE (Instituto di Deporte, Educacion Fisico y Recreacion)

  • Aruba ta e promer pais den Caribe cu su propio academia di futbol

    Aruba ta e promer pais den Caribe cu su propio academia di futbol

    ORANJESTAD – Aruba ta e promer pais den Caribe cu su propio academia di futbol. Diahuebs atardi Minister di Deporte Sr. Dangui Oduber tabata presente na Compleho Deportivo Frans Figaroa pa e lansamento di e academia di nobo di AVB.  

  • Hoevertsz: Mucho tempran pa papia riba cancelacion Olimpiada 2020

    Hoevertsz: Mucho tempran pa papia riba cancelacion Olimpiada 2020

    ORANJESTAD – Ta mucho tempran pa papia riba posponemento di weganan olimpico cu tin cu tuma lugar na Japon na juli di e aña aki. Asina Nicole Hoevertsz, miembro di Comite Ehecutivo di Comite Olimpico Internacional (IOC) a bisa noticiacla.com diahuebs. Di otro banda, cierto portalnan di noticia ta papiando caba di scenario unda cu por pospone e weganan aki, pa motibo di coronavirus. “E situacion ta wordo monitoria hopi cuidadoso pa expertonan di World Health Organisation (WHO). Preparacionan pa e weganan ta continuando” Hoevertsz a sigui bisa. 

  • Exitoso Aruba ABC Open Karate Championship

    Exitoso Aruba ABC Open Karate Championship

    ORANJESTAD - Recientemente Aruba Karate Bond a tene su exitoso prome campeonato di aña yama ‘Aruba ABC Open Karate Championship’. Despues di e bunita desfile di cada scol di karate di Aruba, igualmente cu e team di Boneiro y Corsow, a sigui cu e motivante speech di presidente ‘sensei’ Felix Tromp dirigi na publico presente. Como sorpresa a dedica e campeonato aki na ‘sensei’ William Millerson, presidente di Parlamento di Corsow y den mundo di karate conoci como instructor di Wado Karate, vice-presidente di e Federacion Mundial di Karate (1998-2014), vice-presidente di PKF (Panamerican Karate Federation) y actual vice-presidente di CKF (Caribbean Karate Federation). ‘Sensei’ William Millerson a fungi e ultimo añanan como e brug pa Aruba Karate Bond, kende hunto cu COA, a percura pa karate ta regresa den mundo di karate international. Su persona a ricibi e plakaat di reconocimiento for di man di señora Nicole Hoevertsz di Comite Olimpico Aruba. Despues a yama un pa un e seleccion. Juan David Velazquez, Janilaine Bello y Alejandro Gonzalez Lujan a ricibi un caluroso aplauso di e publico pa nan resultadonan exitoso den 2019. 

  • Powered by SETAR