Universidad di Aruba a tene Symposium di Sostenibilidad

Posted on 02/14/2020 5:38 pm AST | Updated on 02/14/2020 5:40 pm AST

ORANJESTAD - Studiantenan di e Academic Foundation Year (AFY) na Universidad di Aruba a presenta e resultadonan di nan “Sustainability Research Project”. Como parti di e curso “Research Practice” cu tin como meta principal pa siña studiantenan e habilidad pa conduci research, e studiantenan a hasi investigacion na e campus y bou e comunidad di Universidad di Aruba ariba tema di sostenibilidad. Un di e temanan principal di e “Sustainable Development Goals presenta pa United Nations y uno cu Aruba ta un di e front runner nan den Caribe pa cu e metanan aki. 

Den e ultimo 4 simannan bou guia di e orador/instructornan (lecturers) Kareline van der Linden y Maarten Eppinga (guest lecturer di University of Zurich) e studiantenan a diseña y ehecuta nan proyecto cu a midi sostenebilidad na e campus di Universidad di Aruba y tambe e habitonan y conocemento di studiantenan y staff ariba e topico aki.

E proyecto a culmina den un symposium unda 12 diferente estudio a wordo presenta atravez di un Research Poster y Pitch cu a keda completamente den e man di studiantenan. Por a nota cu e studiantenan tawata hopi entusiasma pa presenta nan resultado y siña di resultado di nan coleganan. Tambe por a nota e diversidad di topiconan presenta. Asina tawatin un grupo cu a investiga e posibilidad pa comberti awa di airco den uso na campus, otro cu a studia e efectividad di electricidad na campus, otro cu e studia e diversidad den flora y fauna na e campus y e impacto cu esaki tin riba e studiante nan, un grupo cu a studia e suma di C2o emission cu studiante nan ta desmenti di e carga di nan telefon y laptop, otro cu a investiga e sumo di desperdicio cu studiante y staff ta produci na campus, y otro grupo cu a investiga e opinion y comportacion di studiante y staff pa recycla, carpool y e interes pa consumi producto nan sostenibel, otro cu a studia e efectividad di advertencia encuanto sostenbilidad y tambe tawatin grupo nan cu a investiga e consumo di carni y junkfood bou studiante nan.

  • WC4
  • Powered by SETAR