- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
SER: Falta di cumplimento di pago di impuesto ta alarmante
ORANJESTAD – Tin 1.6 biyon na impuesto di 2019 riba caya sin cobra. Esaki ta nifica cu tin un falta di cumplimento di pago di impuesto na Aruba cu ta alarmante. Asina Sociaal Economisch Raad (SER) ta señala den su ultimo rapport ‘Het gebrek aan compliance’. Specificamente SER ta referi na e 1.6 biyon florin cu ta riba caya sin cobra na 2019. E suma sinembargo tabata aun mas grandi na 2015 di 2.2. biyon florin. E suma habri di 2019 ta mas grandi cu tur presupuesto di tur ministerio di gobierno hunto, y ekivalente na 30% di e PIB (Producto Interno Bruto) di e isla. Esaki ta pone cu Aruba tin un comportacion considerable di ‘no cumplimento’. Nan ta relata e puntonan di preocupacion den e rapport di 33 pagina.
ACCION
E organo consultativo ta stipula un serie di 4 conseho pa gobierno pa por mehora e comportacion di cumplimento. Entre en consehonan ta papai cu mester simplifica e sistema di cobra impuesto, pa asina e pagado di impuesto no keda descurasha pa cumpli cu nan debe. Ademas, gobierno mester tuma e ehempel riba su mes como modelo ehemplar, prome cu e purba coregi e patronchi di pago di e pagado di impuesto positivamente. Tambe cu DIMP (departamento di impuesto) mester tin un forma dirigi riba e ser humano como un strategia di aplicacion. Y finalmente, cu e intercambio di informacion y cooperacion entre departamentonan di gobierno mester mehora. Wak e rapport completo AKI.
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
