Silio: Arte di pirateria humano ta e reto mas grandi pa seguridad cybernetico

Posted on 02/14/2020 3:56 pm AST | Updated on 02/14/2020 3:57 pm AST

ORANJESTAD – Tanten cu bo no practica e arte di pirateria human (human hacking), hende lo keda e reto mas grandi di seguridad cybernetico pa bo. Asina e expert riba robo di identidad John Sileo ta bisa riba su portal. Diahuebs anochi e tabata e orador principal durante e evento annual di Setar na Ritz Carlton. Eynan el a elabora riba e tema di robo di identidad, cuminsando cu su experiencia personal cu a combirtie den e experto cu e ta awor. 

ATAKE CYBERNETICO

E atake cybernetico door di un supuesto ladron cybernetico (hacker), no ta esun mas pio sino esun humano. Ora cu un persona door di conoce bo, saca informacion di bo personalmente sin cu bo ta na altura y despues ta use pa pretende di ta dibo. Pues segun Sileo, asina e atakenan ta inicia, envez di un atake di un persona sinta tras di su computer cu intencion di drenta bo ‘bida cybernetico’. 

EXPERIENCIA PROPIO 

Segun Silio, su experiencia propio a pone cu el a dicidi na final, di usa e experiencia amargo cu a hera coste un condena den prison, pa alerta mundo riba e peliger di bira victima di pirateria humano. Un persona a usa documentonan di dje (den prullenbak) y a pretende di ta Silio, logra cumpra un cas, y manda e persona original (Silio) bancarota. Ora cu el a recupera su identidad bek, y a kere cu el a proteha su mes completamente cyberneticamente, a sosode lo peor. Su miho amigo, casi considera ruman, a piratea su negoshi y su persona, y a lague blo bashi. El a compete e acto mas cruel cu ta e pirateria humano, cu ta mas pio cu un atake di hacker. 

CONFIANSA

E problema cu hende ta comete mas hopi, ta confia. Hende ta mucho confia, di nan mes, di nan ekiponan, sin cu nan ta cuestiona cierto accionan. Y door di confia ‘ciegamente’ den e bondad di hende, bo ta duna e otro persona informacion di bo sin cu bo tin nocion cu e ta adkiriendo informacion balioso cu por perhudicabo despues. Como tal Silio a ekipa e publico cu hermentnan importante pa usa ora cu un persona saca informacion di bo y of ta purba di usabo pa informacion.  

 

  • wc2 enero
  • Powered by SETAR