NOS: Miles di Hulandes ta wordo spiona digitalmente door di nan ex via telefon

NOS: Miles di Hulandes ta wordo spiona digitalmente door di nan ex via telefon

Posted on 02/13/2020 11:22 am AST | Updated on 02/13/2020 11:22 am AST

AMSTERDAM – Miles di Hulandes ta wordo spiona digitalmente door di nan ex partner. Asina e portal Hulandes NOS ta raporta. E telefon di e Hulandesnan afecta ta infecta cu e asina yama ‘stalkerware’. E ta un forma di software malign cu cual ex partners por lesa mensahe di nan ex pareha di whatsapp y wak potret. Segun NOS, RTL Nieuws a pidi 15 compania di antivirus pa cifras di e infeccion di stalker ware. Si na 2018 tabatin un par di shen infeccion, na 2019 esaki a aumenta te na mas di 6500. Probablemente e cantidad ta hopi mas halto mirando cu no tur hende tin un programa anti virus riba nan telefon. 

Tin decenas di compania cu ta bende stalkerwar, completo cu insstruccion con por hack un telefon. Algun compania ta hacie como un forma pa mayornan por vigila nan yiu. E mesun companianan ta skibi si cu riba nan website, lesa mensahe di otro, ta un opcion riba un app di date. 

 

  • ‘Doño’ di cartanan cu bom na Hulanda a exigi bitcoins

    ‘Doño’ di cartanan cu bom na Hulanda a exigi bitcoins

    AMSTERDAM – E bomnan den carta cu a explota na Amsterdam y Kerkrade awe, ta trabou di un ‘chantagista’, segun polis. E persona cu a ‘manda’ e cartanan ta exigi un suma den bitcoins. A menasa cu si no paga, lo manda mas carta cu explosivos. E bomnan awe mainta a explota na un lugar di sortia post na ABN Amro na Amsterdam y na un lugar na Kerkrade. Ningun hende a keda lesiona cu e incidente. 

  • Matthijs van Nieuwkerk ta stop cu programa De Wereld Draait Door

    Matthijs van Nieuwkerk ta stop cu programa De Wereld Draait Door

    HILVERSUM – E conocido presentador Hulandes di television Matthijs van Nieuwkerk (59) ta stop di presenta e programa popular De Wereld Draait Door. E ta caba e temporada aki si, cu ta 27 di maart, pero despues e ta retira di esey. E ta keda si activo cu e canal NPO y ta bay traha un programa pa diasabra anochi pa BNNVARA cu ta cuminsa otro aña januari.  Segun van Nieuwkerk, ta tempo pa pone un fin tras di e programa aki. 

  • Bisiñanan Hulandes absolvi di contrabanda di droga di Aruba

    Bisiñanan Hulandes absolvi di contrabanda di droga di Aruba

    DELFZIJ – Dos bisiña Hulandes di Delfzijl keda absolve di contrabanda di cocaina for di Aruba. Asina e portal RTV Noord ta raporta. Nan a keda sentencia si pa traficacion den drogha y methadone. Na 2018 douana na Schiphol a intercepta un paki di Aruba, den cual tabatin 400 gram di cocaina, y algun regalito.  

  • Corte na Hulanda a absolve e ‘tattookillers’ di asesinato di Onno Kuut

    Corte na Hulanda a absolve e ‘tattookillers’ di asesinato di Onno Kuut

    ROTTERDAM – Corte na Hulanda a absolve 4 sospechoso di e caso di ‘tattookillers’, osea matadornan cu tattoo. Nan tabata sospecha di e morto riba e Hulandes Onno Kuut. Un caso cu a haya hopi publicidad. Kuut a wordo haya morto dia 25 di maart 2009 den e duinen di Hoek na Hulanda. Segun Corte, tin hopi indicacion cu e 4 personanan tabata envolucra cu e morto, pero no suficiente prueba pa condena nan. Ministerio publico a pidi castigo di bida largo di prison. E nomber tattookillers ta debi na e tattoos riba nan curpa (riba lomba) cu e mensahe ‘sea decisivo’ den simbolo Chines.  

  • Minister Besaril a coregi su declaracion riba Soca Contest riba social media

    Minister Besaril a coregi su declaracion riba Soca Contest  riba social media

    DEN HAAG  – Minister plenipotenciario pa Aruba na Hulanda Guilfred Besaril a coregi su declaracion riba Soca Contest riba social media. Asina su oficina ta aclarea pa medio di un comunicado. Esey ta bin despues cu el a haci algun declaracion fuerte riba Facebook, y despues a nota cu esaki porta no tabata e miho forma di actua.   

  • Noticia di cuarentena di famia Chines na Aruba a bira internacional

    Noticia di cuarentena di famia Chines na Aruba a bira internacional

    AMSTERDAM/ORANJESTAD – E noticia di e cuater Chinesnan cu a bolbe Aruba di Hulanda diadomingo y a bay den cuarantena, a bira noticia internacional. Por lo menos un medio a raporta esaki na Hulanda. E portal Hulandes ta cita minister di turismo di Aruba Dangui Oduber como fuente. E portal ta sigui raporta e detayes divulga durante un conferencia di prensa diadomingo ultimo. Otro medionan Hulandes ainda no a raporta esaki te cu diamars mainta. E portal ta raporta tambe cu e cuater personanan a keda controla tambe na Amsterdam ora cu a aterisa eynan durante nan transito pa Aruba for di China. Potret ta di ambulance yegando SEH diadomingo. 

  • Powered by SETAR