Hobencita na Corsou hospitalisa despues di mal wega, no a fayece

WILLEMSTAD - Algun rato pasa a sali riba medionan social e informacion cu e hobencita di 9 aña interna den hospital despues di e ‘mal wega’ cu ta wordo hunga, lo a fayece. Sinembargo, matutino Extra a confirma di e mayor di e hobencita, cu su yiu no a fayece. Su yiu su estado ta delicado pero recuperando tiki tiki. E informacion cu ta circulando ta simplemente un informacion robez.  

CIRCULACION

Tin un voz tambe circulando cu ta splica kico a sosode cu e mucha aki. Y ta mustra cu e mucha aki a bira victima di e mal wega, pa cual e lo a haya e.o. un hersenschudding pisa, y ta hospitalisa. Extra Corsou a informa cu mayan nan lo bin riba e tema aki cu hopi mas informacion. 

POLIS

Mientrastanto polis riba tur e islanan di Caribe Hulandes a saca un boletin riba e tema aki, unda cu ta mustra e consecuencia kico ta pasa si bo acto resulta den un situacion negativo y cu por tin sentencia di castigo di prison, den forma di ‘dood door schuld’ osea morto pa culpa. Cortesia Extra Curacao.