Polis ta alerta pa wega peligroso nobo peligroso entre hobenan

MACUARIMA - Cuerpo Policial Aruba a bin ta tuma nota di diferente videonan riba medianan social di un wega peligroso cu ta wordo hunga door di nos hobennan.Ta trata di e wega caminda tres hoben para banda di otro ta cuminsa bula y un of tur dos hoben para na banda ta haak e hoben cu ta bulando memey su pianan , di manera cu esaki ta cay riba su lomba. E hoben cu cay ta keda exponi na risico grandi di lastima su curpa di tal manera cu e por kibra cualkier parti di su curpa . Consecuencia di esaki ta cu e por keda paralitico, bira ciego of perde conocemento permanente. Cuerpo policial ta suplica hobennan cu ta practicando e wega aki, pa stop cu esaki inmediatamente y alabes ta enfatisa cu esaki por wordo concidera como maltrato severo y tin un castigo di prison mara na dje.Pues polis ta alerta cu ta tumando e casonan aki hopi na serio i lo actua debidamente.