Pareha Arubiano deteni pa atraco durante entrada hudicial

Pareha Arubiano deteni pa atraco durante entrada hudicial

Posted on 02/12/2020 9:13 am AST | Updated on 02/12/2020 9:14 am AST

ORANJESTAD - Awe mainta en conexion cu un investigacion a  detene un pareha Rubiano na un cas na Wernetstraat. Na dicho cas Atraco Team a detene un pareha Arubiano respectivamente un hende mohe di inisialnan M.M.K.C. di 29 aña y e homber F.A.M. di 35 aña sospecha di a juda den diferente atraconon. Ta sospecha e pareha aki di facilita diferente material pa atracadonan por comete diferente atraconan entre otro Tanki Leendert y Well Well.

  • Atracoteam a detene 3 persona, droga y arma di candela confisca

    Atracoteam a detene 3 persona, droga y arma di candela confisca

    ORANJESTAD - Awe madruga Atracoteam tawatin entrada hudicial na 3 diferente cas, Boroncana, Madikikavel y Tamarijn. A detene dos homber di inicialnan R.G. St.J. Di 22 aña, J.K.F. di 27 aña y e dama C.N.R.L. di 41 aña.  Tur 3 Rubiano.  Na e cas na Tamarijn a bin confisca un arma di candela y droga. E tres sospechosonan ta wordo sospecha di tin di haber cu un atraco cometi ariba un señora dia 27 juni 2020 dilanti Fermins Bar. Nota: e potret ta di archivo di noticiacla.com. 

  • Polis ta raporta atraco na Morocho Supermarket

    Polis ta raporta atraco na Morocho Supermarket

    ORANJESTAD - Pa 10 or pm melding a drenta via Centrale Post cu un atraco a tuma luga na Morocho Supermarket. Na jegada di patruya ta bin topa cu e victimanan cu a declara cu 2 homber cu arma di candela den man a atraca nan y a bay cu e placa cash. E atracadonan a papia spaño.Atraco Team a presenta na e sitio, polis tecnico y tambe slachtofferhulp. Cuerpo Policial ta pidi esun cu a wak algo of sa algo jama e tiplijn di polis cu ta 11141

  • Atraco arma riba pareha na Fishermans Hut

    Atraco arma riba pareha na Fishermans Hut

    PALM BEACH - Pa 00.00 melding a drenta via Centrale Post cu un atraco a tuma luga na altura di Fishersman Hut. Na jegada di patruya ta bin topa cu un pareha cu a declara cu 2 homber cu arma di candela den man a atraca nan y a bay cu un suma di mas o menos 200 florin, nan jabi di auto (Jeep) y nan celular. E atracadonan a papia spaño.Atraco Team a presenta na e sitio, polis tecnico y tambe slachtofferhulp. Cuerpo Policial ta pidi esun cu a wak algo of sa algo jama e tiplijn di polis cu ta 11141

  • Polis a detene 9 persona despues di un di e manifestacionan diabierna anochi

    Polis a detene 9 persona despues di un di e manifestacionan diabierna anochi

    ORANJESTAD - Awe diabierna henter dia Cuerpo Policial a guia 3 diferente manifestacion.  Segun version di polis, nan a  informa  cu dos di e gruponan a sa di comporta nan mes como debe ser. Na final polis a informa cu nan a guia e grupo lidera pa sr Regi Danies cual no tabata un tarea facil, segun polis a raporta diabierna anochi. “ Tur hende tin e derecho conforme nos constitucion pa manifesta y expresa nan opinion. Nos di Cuerpo Policial sigur ta convivi cu e causa aki y a laga señor Danies manifesta y expresa su opinion” vocero di polis Lito Laclé a informa. Cuerpo Policial  a duna e grupo di sr Danies te cu 10 or di anochi pa ta ariba caya. Pa 10 or di anochi polis a dunanan orden pa bandona e sitio y no stroba trafico . Nan  no kier a cumpli cu e orden encuestion y Cuerpo Policial a bay over na detene un total di 9 persona pa no sigui orden di polis. E personanan aki a wordo transporta pa warda di polis pendiente investigacion.

  • Detenido Venezolano a huy for di centro di Guarda Nos Costa

    Detenido Venezolano a huy for di centro di Guarda Nos Costa

    ORANJESTAD – Un detenido di nacionalidad Venezolano a huy for di Centro di Detencion di Guarda Nos Costa diadomingo atardi. Asina CNC a confirma. Ta trata di  Arias Acosta Jose Anyeer. Na e momentonan aki den colaboracion cu KPA, GNC ta buscando Sr. Arias Acosta. E noticia ta den proceso. Keda pendiente pa mas informacion. 

  • Polisnan di Aruba y Bonaire a yega Corsou pa duna ayudo

    Polisnan di Aruba y Bonaire a yega Corsou pa duna ayudo

    WILLEMSTAD – Un grupo di polis di tanto Aruba y Bonaire lo a yega Corsou awe diabierna, cu e intencion pa reforsa e cuerpo den e cuadro di ayudo pa combati e situacion turbulento. Asina noticiacla.com a compronde di su fuentenan na Corsou. Noticiacla.com no tin e cantidad exacto, pero si cu e gruponan a yega Corsou y lo mester asisti nan coleganan di Corsou. Manera ta conoci, gobierno di Corsou a anuncia cu no ta bai tin toque de queda e fin di siman aki, pero si cu a tuma medida pa garantisa seguridad pa tur ciudadano. NOTA: E potret ta uno di archivo di Cuerpo Policial y no ta refleha necesariamente e polisnan cu a bay Corsou. 

  • Powered by SETAR