Noticiacla ta estrena programa ‘Riba Caminda’… awe nochi

ORANJESTAD – Den e programa nobo di noticiacla.com, titular ‘Riba caminda..’ cu ta estrena awe dialuna anochi, Noticiacla.com a ‘team up’ cu Garage Cordia Aruba y ta presenta e concepto conoci di entrevista den auto, durante un paseo cu e auto. E intencion ta pa durante e programa, e moderador Tito Laclé presenta un auto ‘diferente’ di e compania (Garage Cordia Aruba) den e programa, mientras cu e ta combersa cu invitadonan diferente. Nan por ta invitadonan di Garage Cordia, of personanan cu tin un auto caba di Garage Cordia cu ta papia di nan experiencia. E intencion ta cu den futuro lo amplia e posibilidadnan di e programa cu diferente topiconan extra. E prome programa ta pasa awe nochi 9’or cu invitado Jaboco Winterdaal y Joylene de Nobrega, cu lo papia di un di e autonan cu nan tin, y e campaña di carnaval. E programa manera custumber di noticiacla, lo ta riba tur tres plataforma, esta noticiacla.com, e app, y e Facebook page.