Bikker: Prome cu fin di aña polis lo tin su prome hybrid drone

ORANJESTAD – Prome cu fin di 2020, Aruba lo tin por lo menos un hybrid drone pa cuerpo policial pa por tin un miho vigilancia contra e.o. combatimento di criminalidad. Asina minister di husticial Andin Bikker a bisa den e conferencia semanal di gobierno. E proceso a cuminsa cana, ta instalando commission pa percura pa tur cos cana bon. Pero e mandatario a sigura e portal aki noticiacla.com cu aña lo cera cu un di e aparatonan aki na Aruba. 

SPECIFICO

E mandatario no tabata specifico riba cua tipo di drone lo busca, pero a papia mas general. A mustra entre otro riba e hecho cu e lo ta uno grandi cu por bula pa varios ora sigui, (4-5 ora) y tambe distancia di entre 12 pa 15 km leu (out of line sight), contrario na e drone convencional cu por keda apenas mei ora pa un ora y bula un distancia di 1 km of menos prome cu e haya problema. E persona(nan) cu lo tin cu maneha e drone, lo tin cu sigui un curso pa haya nan certificadonan special pa esaki. NOTA: E potret di e drone no ta necesariamente esun cu Aruba ta bay haya.