Motorunit a detene chauffeur pa intento di asesinato

SAN NICOLAS – E motorunit di polis diadomingo a detene entre otro 1 chauffeur pa intento di asesinato. Esaki a sosode despues di parada di mucha San Nicolas y na puntonan strategico unda cu e motorunit a eherce su controlnan. 

CONTROL

E resultado di awe di Unit Motorrijders ta como lo siguiente:

3 detencion pa maneha auto bou influencia di alcohol, di cual 1 chofer su rijbewijs a wordo kita;

2 detencion pa maneha auto of brommer sin rijbewijs.

INTENTO DI ASESINATO

Tabatin 1 detencion na altura di Dr. Scheapmanstraat pa intento di asesinato door di cu e persona en cuestion a manda su brommer riba e polisnan motorisa, menasa contra bida di e polisnan motorisa, resistencia contra su detencion, rijbewijs, seguro, helm y sin number di brommer paga; E chofer/ sospechoso aki recherche di San Nicolas a tume over pendiente di mas investigacion.  Tabatin 4 brommer confisca pa number no paga; 14 multa  pa entre otro pa seatbelt, number di brommer no paga y sin helm.

CHAUFFEURNAN CONCIENTE

Loke mester remarca ta cu mas o menos 150 auto a wordo para y e chofernan a wordo controla pa alcohol y nn a supla 0 ug/l.  Por a observa cu pasaheronan si tawata mustra hopi cansa. Cu otro palabra e chauffeurnan a bira conciente cu no por maneha auto bou influencia di alcohol.