Tin ora specifico cu por reserva lugar pa parada di mucha San Nicolas

MACUARIMA - Tur aña comunidad ya caba ta den fiebre di carnaval y ta cuminsa busca lugar publico trempan pa reserva esaki pa nan por mira carnaval na un lugar cu nan ta desea. Pero pa reserva e sitio apropia ta pone obheto trempan caba y esaki ta prohibi . Cuerpo Policial Aruba ta anuncia na comunidad cu por haci reservacion di bo area preferi cant’i caminda pa Parada di Mucha San Nicolas pa 12’or di anochi. Prome cu 12’or di anochi of algun dia prome esaki ta prohibi cu consecuencia cu KPA por confisca tur obheto cu ta forma peliger of ta stroba caminda publico den beslag. Esaki ta conta pa tur parada cu ta na caminda! Un carnaval responsabel y safe ta conta pa nos tur! Un feliz y dushi Parada di Mucha San Nicolas.