A detene pasahero cu a haci menasa di bom na aeropuerto

ORANJESTAD – Polis a detene un pasahero na aeropeurto di Aruba diasabra atardi, cu a menasa cu tabatin un bom den e area di maleta den e parti di US Customs & Border Patrol. For di aeropuerto, noticiacla.com a haya informacion cu oficialmente e menasa di bom a drenta den careda di 3’or di atardi. Esey a pone cu e operacion a para. Un ora y 10 minuut despues, e operacion di aeropuerto a continua. 

AFECTA

Debi na e bom melding, un avion di KLM y di TUI lo mester a keda desvia pa Corsou pa motibo di falta di lugar di stacionamento. Despues a resulta sinembrgo cu e buelonan ey no mester a wordo desvia mas. Ambos lo a yega Aruba na tempo normal. E fluho di pasahero a cuminsa normalisa tambe. Asina mes e parti di yegada di avion a continua unabez cu aeropuerto a continua cu su operacion. E persona cu a haci e menasa, a bisa despues cu e tabata un ‘joke’. E personal di bomb (Bomb squad) a haci su trabou y no a haya ningun menasa despues di buskeda den maletanan. Un menasa asina ta peligroso y ta trece hopi inconveniencia especialmente riba un diasabra merdia na aeropuerto.