Ta estrena ‘Huicio Perfecto’ dia 5 di maart na The [email protected]

Posted on 02/8/2020 4:17 pm AST | Updated on 02/8/2020 8:45 pm AST

ORANJESTAD - Diahuebs dia 5 di maart 2020 lo tuma luga e "premiere" di e pelicula Huicio Perfecto na The Movies @ Principal na San Nicolas. Su siguiente dia e lo pasa tambe na The Movies @ Renaissance Marketplace. E pelicula, cu a cuminsa ensaya na 2017, a graba na aña 2018 y a keda cla di edit aña pasa, awo ta cla pa subi pantaya grandi na The Movies.

Por cumpra ticket adelanta caba via e website www.TheMovieAruba.com y asina sigura bo luga durante e premiere. Riba e dia ey lo tin un "meet & greet" desde 5:30pm na The Movies @ Principal, sigui pa un evento Red Carpet pa 6:00pm mientras cu lo start cu e pelicula pa 7:00pm den tur tres sala pareu. Riba e prome dia lo por saca potret cu e elenco y haci pregunta riba nan rol den e pelicula aki.

“Huicio Perfecto” ta produci y dirigi pa Angelo Croes. E grabacion y edicion di henter e pelicula tabata den man di Roy Croes, mientras cu Martin Buitenweg tabata encarga cu tur "side effect" y musicalisacion di e pelicula. Ta un pelicula graba na Aruba mes, cu artistanan local y cu sin duda lo causa un impacto ora mire den un sala grandi di pelicula.

E trabounan rond di e proyecto aki, inicia na aña 2017, a inclui no menos di 30 actor di Aruba. Banda di e actornan tin mas di 100 figura local cu a participa activamente den e pelicula, cu ta graba den nos propio idioma, papiamento. 

E pelicula “Huicio Perfecto” tin un duracion di 1 ora y 40 minuut, ta inclui escenanan romantico, accion, drama y hasta un poco humor. E ta conta e storia con Aruba a hunga un rol masha importante, es mas, tabata e yabi clave den mundo di petrolio. Pero, separa di e industria petrolero, tambe e storia ta encera un cartel criminal cu tabata bou di investigacion di un escuadron elite di Polis. "Huico Perfecto" ta un pelicula cu ta para pa su nomber, pasobra e ta contene escenanan den cual Bo ta haya bek tur locual Bo ta duna. Pues cu kico cu Bo haci den bida, e ta bin bek pa Bo...tardi of trempan!

A graba e escenanan na varios sitio riba nos isla, manera na edificio di Corte, den un hotel, den area industrial, den Marina Pirata Restaurant, den Franse Pas, na Fermin’s Bar, riba parkeerplaats di Do It Center na Shaba y mas.  E elenco principal ta inclui Altoinspector di Polis (den bida real), Alvin Molina como Django Maduro, Gionathan Croes como Polis Mendoza, Abigail Sanchez como Jessy, e conocido Manuel de Silva a hunga pa Max Harms, Stephanie Croes como psicologo Dr. Angela de Cuba, Alegandro Dirksen cu tabata Fiscal di Ministerio Publico, Luty Martinez como Hues y Joylene de Nobrega como Narianna.

 

 

  • Mariah Carey ta den Soul Beach Music Festival 2020 na Aruba

    Mariah Carey ta den Soul Beach Music Festival 2020 na Aruba

    LOS ANGELES –  E artista grandi Mariah Carey ta den Soul Beach Music Festival 2020 na Aruba. Asina e organizadornan a informa diaranson. E lo ta presentando dia 24 di mei proximo. Fuera di Carey, The Roots tambe lo ta presente. Keda pendiente pa mas informacion riba e line up completo di e festival proximamente. 

  • Tur cos ta cla pa edicion 50 di Festival di Tumba diasabra

    Tur cos ta cla pa edicion 50 di Festival di Tumba diasabra

    SAN NICOLAS – Tur cos ta cla pa e di 50 edicion di Festival di Tumba diasabra awor den Aruba Carnival Village na San Nicolas. A tira lot e siman aki pa e secuencia di banda pa diasabra awor.  

  • Aruba tin su Reinanan di Scol pa 2020!

    Aruba tin su Reinanan di Scol pa 2020!

    ORANJESTAD – Den un Club Caiquetio completamente yen pa apoya Aruba su reinanan di scol, pa exactamente 10:00 AM a duna inicio na e eleccion Reina di Scol Aruba. Aki 15 participante a competi pa e titulonan maximo den e 4 categorianan: 

  • Antoni ‘Black Diamond’ Gario ta Soca Monarch 2020

    Antoni ‘Black Diamond’ Gario ta Soca Monarch 2020

    SAN NICOLAS - Black Diamond a bira e Soca Monarch 2020 durante e Super Soca Saturday.E anochi  a cana trankil. E tabata un competencia basta fuerte entre hobennan y veteranonan den soca. Y pa algo net prome cu 3or di marduga Aruba a conoce su Soca Monarch 2020. Masha pabien na Musica y tur participante. Ata aki e resultado final:

  • Galloway Jr a bira Caiso King 2020

    Galloway Jr a bira Caiso King 2020

    SAN NICOLAS - Den un anochi di final di Caiso, Aruba a disfruta di tremendo musica y show. Un publico respetabel pa e prome biaha cu Caiso tabata tin su anochi apart di final. Competencia tabata fuerte pero finalmente esaki ta e resultado na final:

  • E finalistanan pa Caiso y Soca Monarch 2020 ta conoci

    E finalistanan pa Caiso y Soca Monarch 2020 ta conoci

    SAN NICOLAS – E finalistanan di e Caiso y Soca Monarch 2020 ta conoci. Diaranson anochi tabata e ultimo di tres anochi, unda cu na final a anuncia e ganadornan. E anochi final e aña aki ta parti na dos, esta diabierna SOCA y diasabra CAISO. Pa e lista di finalista click AKI. Potretnan ta cortesia di CLICKARUBA.com

  • Powered by SETAR