Bisiñanan Hulandes absolvi di contrabanda di droga di Aruba

DELFZIJ – Dos bisiña Hulandes di Delfzijl keda absolve di contrabanda di cocaina for di Aruba. Asina e portal RTV Noord ta raporta. Nan a keda sentencia si pa traficacion den drogha y methadone. Na 2018 douana na Schiphol a intercepta un paki di Aruba, den cual tabatin 400 gram di cocaina, y algun regalito.  

TRAMPA

Polis bisti como postbode a reemplasa e puiro cu droga falso y a entrega e paki na e adres riba e paki. E doño di cas tabata un drogadito di 45 aña. Segun su version, a manipule dos siman prome. E otro sospechoso di 24 aña lo a wordo puntra hunto cu un ‘Antiano’ durante un bishita, si e kier a participa den un traficacion di droga, pero e lo a nenga. Pero e Antiano a kibra e adres di e homber for di un envelop y gara su adres asina. 

ABSOLUCION

Ambos persona di Delfzij a desmenti e contrabanda. Pa esaki tambe huez a absolve nan. Pero liber completo nan no ta sali. E homber di 45 aña a haya 15 dia di prison pa trafica methadone cual el a sinta den prearesto. E homber di 24 aña a haya 180 dia di prison di cual 130 condicional. E ta haya trabou comunitario tambe di 180 ora y mester paga 4.000 euro bek.