Lares (DRH): Hecho cu a haci fout no intencional, no ta motibo pa lastra hende

ORANJESTAD – E hecho cu a haci fout no intencional, no ta motibo pa lastra hende” Asina director di departamento di recurso humano (DRH) Omaira Lares a bisa noticiacla.com diamars refiriendo e.o. na e tono di conferencia di prensa di SADA di diamars mainta. Cos no a bay bon cu ‘ontheffing’ y nombracion di un persona cu no tabatin e ‘opleiding’ pa bira inspector na departamento, pa cual e director di Departamento di Recurso Humano (DRH) di gobierno, Lares a sigui bisa diamars. 

ANALISIS ROBEZ

Segun Lares, na DRH, nan a analisa fout debi na informacion incorecto. A acepta esey y a trek in e (Landsbesluit) LB di e persona en cuestion cu mester a haya promocion den douane. Ademas, segun Lares, no tin nada ‘uitgevoerd’ den payroll etc. “ E meneer no a haña ni bevordering ni su rango a cambia”, Lares a sigui bisa, contrario na loke e sindicato ta bisa.

HOGER BEROEP

Segun Lares si gobierno pidi pa e caso bai den Hoger Beroep y contrario na e caso den gerecht in ambtenarezaken, caminda DRH no a wordo pidi pa ta na e behandeling, Lares a sigura cu e lo t’ey.

LASTRA HENDE

“E hecho cu a hasi un fout, no intencional no ta motibo pa lastra hende asina y trece tanto cos cu no ta berdad of cu Sada no sa con cos a cana” Lares a sigui bisa. A sigura cu lo elabora mas riba e tema mas general riba e tema aki. “ Caminda tin hende ta traha nos por comete fout y como directeur mi a acepta y a hasi e stapnan pa coregi e fout. Esey ta integridad, enbez di bai lastra hende den prensa cu consequencia pa menasanan na mi persona y mi famia” Lares a finalisa bisando. E reaccion aki ta bin grandemente despues cu a tuma nota di e conferencia di e sindicato SADA di diamars mainta y e tono den cual esaki a bay.