Inconsistencia den resultado di ‘eleccion special’ a crea chaos na Iowa

IOWA – E eleccion special Mericano pa scohe delegado pa representa e estado na e convencion Presidencial Mericano, conoci como Caucus a bay malo dialuna anochi. E partido Democrata a bisa cu nan a haya ‘inconsistencia’, retrasando e resultado y creando confusion den henter e estado. Pa historia, e resultado di e ‘eleccion special’ aki, ta un ‘indicacion di e popularidad di e candidatonan presidencial Democrata y con nan ta para pa e comienso di e contienda electoral pa November 2020. E partido democrata di Iowa a sigura cu e lo divulga e resultado mas laat den dia, ora cu tur e resultado ta verifica manualmente. E inconsistencia ta cu tabatin tres diferente serie di resultado.