Gobernador di Aruba a reuni cu professor Ernst Hirsch Ballin

DEN HAAG – Gobernador di Aruba Freddis Refunjol, den cuadro di su bishita di trabou na Hulanda, a bishita professor Ernst Hirsch Ballin diaranson mainta. NoticiaCla.com a compronde cu e combersacion tabata uno interesante y a toca temanan di actualidad di Aruba.

Manera NoticiaCla.com a raporta diamars caba, un otro bishita cu gobernador Refunjol a realisa tabata cu Rey Willem Alexander pa haya informacion riba ultimo desaroyo riba Aruba. Esaki a keda confirma pa Cas Real. E bishita di gobernador na Hulanda ta tambe relaciona cu e concierto anual di Reino Annual cu ta tuma lugar tur aña riba dia 15 di december.

Banda di ricibi gobernador Refunjol, Rey Willem Alexander ta ricibi gobernadornan di St Maarten y Corsou respectivamente. De hecho a topa caba dialuna cu gobernador di St Maarten (Holiday), y lo reuni cu esun di Corsou (George-Wout) diahuebs proximo. Aki tambe lo haya informacion riba e estado di e respectivo islanan.