Oduber: Aruba ta ricibi apenas 30 bishitante mensual di China

ORANJESTAD – Aruba ta ricibi ‘apenas’ 30 bishitante Chines pa luna, pues den contexto, e posibilidad cu Aruba ta haya su mes cu yen di bishitante Chines infecta cu e coronavirus ta minimo. Asina gobernantenan di Aruba a bisa durante un conferencia di prensa urgente diadomingo atardi. Y e bishitantenan cu ta bin Aruba di China, no ta bin di e area afecta. Ademas, no tin buelo directo di China pa Aruba pues prome cu nan yega Aruba, ta pasa cierto gateway cu tin control tambe. Tur esaki ta traha na fabor di Aruba segun e gobernantenan a bisa diadomingo atardi. 

GRUPO DI CHINES LOCAL

Durante e conferencia di prensa diadomingo, a anuncia primordialmente cu e famia Chines cu a yega Aruba diadomingo atardi mes, lo keda isola na hospital pa 2 siman di tempo, cu ta e periodo di incubacion di e virus corona.