Bapor crucero prohibi pa drenta St Lucia, ta na caminda pa Aruba

BARBADOS – Un bapor crucero cu a wordo prohibi pa drenta St Lucia, ta na caminda tambe pa Aruba diasabra otro siman. E motibo cu gobierno di a pais a prohibi entrada na e bapor, ta como precaucion contra e brote di e coronavirus. Mientras cu no tin ningun hende abordo confirma cu e virus, tin un grupo di persona cu tin ‘infeccion di tracto respiratorio’. 

E BAPOR

E bapor a sali for di Barbandos dia 30 di januari pa un crucero di 2 siman, cu parada na St. Vincent, Dominica, Guadeloupe, St. Johns, La Romana, Aruba, Curacao, Bonaire y Grenada. Segun e schedule di bapor crucero di Aruba, e bapor AIDA Perla ta poni pa yega Aruba diasabra dia 8 di februari 2020 pa 8’or di mainta y ta keda te 6’or. Hunto cu ne , tin dos otro bapor cu ta programa pa drenta Aruba cu ta Norwegian Gem y Eurodam.