Warda Costa a detecta diferente boto cu contrabanda riba laman

ORANJESTAD - Durante e siman cu ta tras di lomba Warda Costa su unidadnan a detecta i stroba diferente boto cu tabata transportando pakete cu contrabanda. E interupcion tabata di tal manera cu e tripulashon di e botonan tabata tira e paketenan for di bordo. Den e dianan cu a pasa Costa Costa a logra stroba cuater diferente boto di e forma aki. Despues di tira e paketenan for di bordo, e botonan a huy bay den awanan teritorial di Venezuela. E interupcion e ser ehecuta pa e helicopter di Warda Costa i e helicopter di e barco di Marina Real Zr.Ms. Groningen cual ta nabegando pa Warda Costa.Apesar di buskedanan intensivo e paketenan no a ser encontra riba laman, ta sospecha cu e paketenan cu contrabanda a zink. Tur e interupshonnan ta ser considera exitoso pa Warda Costa pa motibo cu e contrabanda no a logra yega tera.