Merca a declara estado di emergencia riba corona virus

NEW YORK – Merca diabierna a declara un estado di emergencia riba e corona virus, anunciando un prohibicion temporal di biahe. E minister di Salud di Merca Alex Azar a informa cu ciudadanonan Mericano cu ta bolbe di Hubei (China) entrante diadomingo 5’or di atardi, lo por bay den quarentena pa 14 dia. Stranheronan, otro di famianan directo di ciudadanonan Mericano cu a biaha pa China den e ultimo 14 dianan, lo wordo prohibi entrada na Merca. E medidanan temporal ta drenta na vigor pues 2 di februari 2020 pa 5pm. Centro di control di malesa (CDC) a ordena un quarantena federal pa tur 195 persona cu a keda evacua di China y a bay den quarentena voluntario riba un base military na California. E personanan aki tabata riba u buelo charter di gobierno e siman aki, tratando di trahadonan di ciudadanonan Mericano y personal di embahada Mericano. “Nos ta preparando pa esaki como si fuera e tabata un pandemia”. Nancy Messonnier di CDC a bisa.