Gran Bretaña ta bandona Union Europeo diabierna anochi

LONDON – Mas di tres aña y mei despues di e referendum historico di Brexit, Gran Bretaña ta sali for di Union Europeo awe tardi 6’or ora di Aruba. Esaki ta nifica cu despues di 47 aña, Gran Bretania lo sali di e bloke di 27 pais restante y cuminsa traha riba su mes. Pero tin un periodo di transicion te fin di aña.   

TRANSICION

Esaki ta nifica cu te cu 31 di December 2020, esnan di Gran Bretaña por trafica liber entre paisnan Europeo incluyendo comercio. Britaniconan lo no ta ciudadanonan di Union Europeo pero por disfruta ainda si di e derechonan. Nan lo sigui yuda contribui cu e presupuesto Europeo, pero lo no forma parti mas di Parlamento Europe, of y yuda traha regla Europeo. Otro luna negoshadornan Europeo y Britanico lo cuminsa traha riba e acuerdo di comercio liber cu lo tin cu drenta na vigor entrante 1 di januari 2021. Interesante punto ta cu mientras cu Inglatera tabata parti di Union Europeo, nunca nan a usa e moneda europeo (Euro) como nan moneda, pero a keda usa nan propio moneda. Di 27 pais Europeo miembro di Union Europeo, 19 pais ‘so’ ta usa e Euro, cu a keda introduci na 1999 pa mayoria pais. 

BANDERA

Varios instancia cu tabata usa e bandera Britanico, a kita esaki caba. Entre nan Parlamento Europeo na Bruselas y e edifico di parlamento Europeo na Strasburgo.