Atraco fracasa riba doño di cas na Noord diahuebs anochi

ORANJESTAD - Diahuebs anochi pa 9:45 central di polis a wordo notifica cu un atraco lo a caba di tuma lugar na un cas na Noord. Segun vocero suplente di polis Liliana Rasmijn, a manda patruya di polis na e sitio menciona y na unda nan por a bin compronde for di e señora doño di cas cu un rato prome dos hende homber cara tapa y un di nan cu un arma di candela a purba atrake.  Un di e sospechosonan a pone e arma di candela na su cabez y a pidie pa placa.  Nan a papia papiamento y despues spaño poco kibra. 

E dos atracadonan pa un motibo of otro no a logra bay cu nada, esta nada di placa ni otro cos. Despues nan a huy na pia diirecion Noord. Inmediatamente a mobilisa diferente unidad di polis y helicopter tambe. Atraco Team a presenta na e sitio hunto cu polis technico y tambe slachtofferhulp. 

Cuerpo Policial ta pidi esun cu a wak algo of sa algo jama e tiplijn di polis cu ta 11141