WHO: Brote di coronavirus a bira un emergencia di salud mundial

GINEBRA – E organisacion mundial di Salud, WHO a declara e brote di e coronavirus di Wuhan como un emergencia di salud mundial diahuebs. Segun e organisacion su presidente Tedros Adhanom Ghebreyesus , e ultimo simanan e situacion a escala den un brote sin precedente. Te cu awe, e virus a haci 8100 hende malo y mata 170 na China, unda cu e virus a origina. A raporta casonan den 19 otro pais. Merca a raporta su prome caso di contagio na Merca mes. “Nos no sa ki tipo di daño e virus aki por causa den un pais cu un sistema di salud debil. Nos mester actua awor pa yuda paisnan prepara pa e posibilidad aki”. E alerta pronuncia diahuebs ta reserva pa WHO pa e brotenan mas serio, repentino cu ta cruza frontera internacional. E malesanan aki ta causa un risico publico di salud sin limite y por rekeri un artencion coordina internacional, segun e portal di WHO. Den Caribe, no tin caso ainda raporta di e virus, segun departamento di salud di Aruba.