Hombernan arma a atraca supermercado den Dakota

ORANJESTAD – Awe diaranson mainta pa mas o menos 10:10 central di polis ta wordo notifica cu un atraco lo a caba di tuma lugar na Kang Ming Hua Supermarket na Rondweg Dakota. Patruya a bay di biaha na e  sitio di e sucedido y a wordo informa cu un rato prome dos hende homber cara tapa , un di nan cu arma di candela a drenta e establecimento y a atraca nan. E dos sospechosonan a papia spaño y nan tur dos tabata tin t-shirt manga largo color geel neon y jeans blauw bisti. Nan a logra bay cu e caha di placa , accesorios y 2 telefoon cellular.  E dos sospechosonan lo probablemente lo a huy den un auto color blanco glas getint direcion pabao. Di biaha tur unidad den cercania a mobilisa pa asina purba captura e dos sospechosonan. Na e sitio a presenta atraco team , polis technico y tambe slachtofferhulp. Cuerpo policial ta pidi un biaha mas na esnan cu a wak algo of sa algo jama e tiplijn di polis cu ta 11141.