Conocido musico Roy Olive a bay sosega

ORANJESTAD – Conocido musico y douanero Roy Olive a bay sosega dialuna anochi. Olive tabata mas conoci pa su talent musical y su amor pa yuda prohimo, unda cu el a yuda artistanan cu a bira grandi manera Edjean Semeleer, Rocco Franken y tambe ultimo aki Jordan Koolman. Su trabou regular tabata douanero, pero manera indica caba, Olive tabata mas popular como musico y mentor pa varios artista local. Asina cu a bira conoci di e noticia di Olive, hopi di esnan cu a haya su ayudo, a cuminsa comparti nan momentonan y potret. Noticiacla.com ta manda palabra di forza pa famianan di Roy Olive. Cu Roy sosega na paz.