E unico contratista mecanico na CITGO a stop nan operacion

SAN NICOLAS – E unico contratista mechanico, DOUHSAR a para nan trabou den e terminal di CITGO dialuna atardi. Asina e director di e compania Gene Boekhoudt a confirma pa noticiacla.com. Falta di pago y inseguridad laboral (futuro di e trahadonan) tabata e motibo pa cual e trahadonan a pone trabou abou. Ta trata di e ultimo 6 trahadonan cu a keda te awor, segun Boekhoudt a sigui bisa. 

E SITUACION

“Nos kier pa Citgo paga nos e placa cu nan debemos manera ley ta prescribi” Boekhoudt a continua bisando. Segun e director, CITGO ta den incumplimento desde aña 2018 cu pagonan. Ademas, segun Boekhoudt, nan ta den expectativa cu nan 20 aña di experiencia den e ramo aki di Terminal Operation y cu ta e unico mechanical contractor cu a keda traha den Refineria. “ Nos kier haña e fair chanse pa RDA  (Refineria di Aruba:red) uza nos servicio pa e mechanical service cu tin mester di dje den e Terminal Operation” Boekhoudt a continua bisando. 

SAFETY RECORD

“Nos merito di ta un compania cu un bon safety record y track record cu cualificacion pa traha pa Fortune 500 companies ta di spera cu lo por ta suficiente pa convence RDA di nos capacitacion”.  Ademas CITGO a bisa e compania cu nan (esta CITGO)  lo no paga DOUHSAR loke e compania a indicanan cu nan tin cu paga pa termina e contract. Como tal a dicidi di para e trabou, pasobra dia 30 ta e ultimo dia di contract toch. A compronde cu nan ta eyden ainda si (na CITGO) pa desaloca nan cosnan.