Minister na Corsou a retira pa motibo di investigacion penal contra dje

WILLEMSTAD – Dialuna un minister na Corsou a retira pa motibo di investigacion penal contra dje. Ta trata di minister Alcala Walle. Ministerio Publico a informa cu a cuminsa un investigacion penal contra e minister aki. Esaki basa riba un denuncia cu a drenta na October di 2019, di un posibel violacion di e landsverordening integriteit (kandidaat ministers, miho conoci como screening. E mesun luna ey, e ministerio publico a duna encargo na Landsrecherche pa haci un investigacion di hechos, basa riba e denuncia aki. A termina e investigacion aki y esey a conduci na un investigacion penal cu lo a inicia contra señora Alcala Walle. Awe Ministerio Publico a pone Gobernador, minister president y e persona en en cuestion mes na altura di esaki. A haci esei entre otro teniendo cuenta cu ley di screening (articulo 16 inciso 3) ta stipula cu un minister cu ta keda considera como sospechoso den un investigacion penal pa motibo di un delito, inmediatamente mester tuma su retiro. Na interes di e investigacion na e momento aki, lo no duna mas detaye.