Aruba y Hulanda a haya otro diamars pa CFT yuda cu presupuesto 2015

DEN HAAG/ORANJESTAD – Gobierno di Aruba a pidi College financieel toezicht (Cft) pa un rapport di experticio riba e concepto di presupuesto 2015, y pa eventual adaptacion. CFT a mustra di ta positivo riba esaki y a pidi conseho di Minister di Reino, pa aprobacion. E procedura aki lo wordo sigui pa medio di un acuerdo structural cu ambos gobierno por biba cune. Vocero di minister hulandes Ronald Plasterk, Tijs Manten a confirma na NoticiaCla.com diamars atardi (ora di Aruba), e informacion cu NoticiaCla.com a trece mas prome diamars mainta, cu ta te diamars atardi ainda gobierno di Aruba y Hulanda a ‘rond af’ e acuerdo aki y cu asina cu esaki a termina, cu a bin e anuncio aki.

Despues di a implementa reformanan den 2014, Aruba a entrega un estimacion plurianual cu ta basa riba un deficit di 0.5% na 2017, unda cu e pronostico economico ta mustra positivo. Gobiernonan di Aruba y Hulanda a palabra tambe cu dentro di un tempo cortico, drenta den combersacionnan pa yega hunto na un forma mas adecuado pa traha hunto cu conseho di minister di Reino y CFT den pasado. Segun e vocero di Plasterk, no por bisa si, ki tempo e combersacionnan aki pa e acuerdo sera, ta cuminsa pues no por bisa si ta e aña aki of otro aña.