A logra pone man riba estafador di aparato electronico na Playa

ORANJESTAD – Diamars mainta, comerciante, cuidado y polisnan atento a frustra un intento di un estafador (nacionalidad venezolano) di horta articulonan electronico cu credit card falso. Ora cu e persona aki a comete su acto, e la purba core for di e tienda (Sams) den Havenstraat. Personal y doño di e negoshi a core su tras. A bin gare te na altura di Renaissance Marketplace mei mei den e mall. Hefe di departamento canino di polis tabata den e area y a pone man riba dje finalmente. Mesora a pidi refuerso y nan a bay cu e persona aki. Informacion cu NoticiaCla.com tin, ta cu e persona a purba y logra haci esaki un biaha mas caba, anto na e mesun negoshi. Minister di husticia a nota e acto aki y mesora a manda palabra di elogio pa e cuero. “Mi kier a felicita nos cuerpo policial cu awemainta a stroba un estafador di logra huy cu articulonan "horta" den centro di cuidad”. Foto cortesia gobierno di Aruba.