- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
RCA ta titula campeon di Copa Betico 2020
ORANJESTAD - Despues di a gana nan respectivo weganan di semi-final pa medio di pena maximo, RCA y Dakota a topa otro den un berdadero clasico di futbol.
PROME TEMPO
RCA ta sali brabo unda na di 36 seconde Baromeo ta tira di serca unda e bala ta pasa bandi gol riba un atake na banda drechi. Na di 4 minuut RCA ta habri e marcador ora riba un bala largo Baromeo ta bay laga e defensa y ta lob un bala net over portero Joscar de Kort na unda Ronald Gomez saliendo di patras ta sigura esaki canesando e bala den e gol bashi pa e 1 - 0.
Un RCA hopi sigur na cada atake cu nan crea cu un Martinez bon na banda drechi creando peliger pa e defensa di Dakota. Asina RCA ta sigui pone presion unda Dakota no por a sali y RCA ta probecha bon. Na di 14 minuut un bon combinacion cortico entre Baromeo y Gomez ta pone e prome haya un bala riba su pia drechi y sin basila e ta los un misil cu ta cay den nobenta pa e 2 - 0. Despues di esaki Baromeo ta haya un otro bon chens pero De Kort ta pompa e bala bon. Ultimo Gomes ta dal e bala den palo despues di un cruse di Walter Bennet.
Dakota ta haci un cambio na di 22 minuut unda defensor George Tromp ta sali y Jean Pierre Heyden ta drenta. Mester bisa cu Dakota na su prome bon salida e delantero Joshua Gross ta tira di leu lastra unda e bala pasa bou di brasanan di portero van der Biezen cu ta faya aki por completo unda e no por a tene esaki pa e 2 - 1. RCA a purba sali cu e bala largo probecha di un bolante extra mientras Dakota a warda RCA sali cu esaki no poniendo presion y purba na sorprende. Mucho no a pasa mas den e prome tempo cu ambos ekipo no a crea peliger mas pa e porteria di otro.
DOS TEMPO
Den e di dos tempo Dakota ta sali bon y mss sigur den nan wega. Ya na di 3 minuut, un cruse di Gross ta cay riba pia di De Sousa cu ta tira bon pero e bala ta pasa net na banda di gol.
Mester bisa cu e wega a bira uno hopi pareu cu ambos ekipo haya e chens pa amplia. Walter Bennet por poco ta anota pa RCA pero e tiro diagonal ta pasa net bandi gol. Dakota sigur tabata mas na e bala y un dominio leve. Di otro banda e ritmo di RCA a baha mientras e ekipo no por haya nan mes riba tereno manera den e prome tempo. Dakota a haya dos medio oportunidad chikito pero no por a sorprende portero van der Biezen. Faltando un tres minuut, e delantero Diqion Ras ta los un tiro di leu cu ta bati portero De Kort pa e 3 - 1.
Texto completo y potret cortesia 297 Sports Aruba.
Inter ta titula campeon di Italia pa di 20 biaha ganando di AC Milan
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
Ekipo di Denzel Dumfries (Inter) ta hunga contra Milan pa e titulo di Italia awe
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.
MLB impresiona cu catcher di Aruba pa Atlanta Braves Chadwick Tromp
ATLANTA — E pelotero professional di Aruba Chadwick Tromp ta hayando mencion tras di mencion pa su prestacion actualmente den e ekipo di Atlanta Bravez. E siman aki tabatin un otro raportahe riba su prestacion, unda cu varios punto di Tromp ta resalta. Entre nan, su abilidad pa conecta cu pitchernan di su ekipo, e determinacion pa traha duro, e disciplina y su forma di ta. Y e prestacion actual pa e temporada aki unda cu e la habri 6 wega caba como e catcher principal pa e ekipo, ta wordo considera como remarkable.
E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Rafael Nadal: Mi ta considera esaki como mi ultimo aña (hungando tennis professional)
BARCELONA – E strea internacional di tennis professional Rafael Nadal a anuncia cu esaki ta su ultimo aña professional. “ Mi ta considera esaki como mi ultimo aña y mi kier disfruta di cada momento” Nadal a bisa dialuna durante un conferencia di prensa na Barcelona. E la anuncia su participacion diamars awor na e torneo ATP na Barcelona. Ta su prome participacion despues di a retira tres luna pasa di e torneo na Australia. E ganador di 22 titulo grandslam, a dicidi ultimo momento pa participa e siman aki. E tenista di 37 aña di edad mester a sacrifica varios torneo debi na su condicion fisico cu no tabata optimal. Ultimo tempo e ta sufriendo di basta lesion y a indica aña pasa caba cu esaki por ta su ultio aña. Awe e la confirma cu esaki enberdad ta su ultimo aña hungando tennis professional.
Follow NoticiaCla
