Mas di 50 hende na mundo a muri caba di e corona virus

NEW YORK – Mas di 50 persona a muri caba di e virus nobo conoci como Corona virus. E ta un virus cu ta contagia di hende pa hende, y tin simptoma similar na di griep. Loke ta haci e virus aki mas 'fastioso' ta e hecho cu bo por pega cu ne te hasta ora cu e ta den e fase di incubacion cu por dura di 1 pa 2 siman. Mientrastanto tin como 2000 caso confirma na China, 40 caso den 13 lugar pafo di China, incluyendo dos pa 3 na Merca. Mientrastanto 60 miyon hende a keda afecta pa e ‘lockdown’ parcial na China, den intento pa frena e virus di plama. E director di World Health Organization (WHO)Tedros Adhanom Ghebreyesus a anunciacu e ta biaha pa China pa asisti cu e trabounan rond di e virus.