Simpatisantenan a mobilisa dilanti gabinete di gobernador

ORANJESTAD E situacion dilanti gabinete di gobernador a bira un reto mas grandi ainda pa seguridad di e gabinete, ora cu merdia un cantidad di simpatizantenan di Mike Eman, a dicidi di cruza caya cu nan stul na man y bay sinta dilanti di e oficina di gobernador. E intencion tabata pa gobernador por ‘wak nan presencia’ y porta esey lo por tabatin mas efecto, segun NoticiaCla a wordo bisa.

Atardi, gobernador cu un sonrisa y trankil, a drenta su auto y bandona e despacho, lagando tur hende sinta eynan. Pues gobernador ta sigui cu su labornan normal, y ta preparando pa e comision di CFT cu lo ta yegando Aruba dentro di poco.