CEO di Grammys ta alega proceso corupto di nomina artista

LOS ANGELES – E CEO di e organisacion tras di Grammy Awards Deborah Dugan, ta alega cu e proceso di nominacion di artista pa e industria di musica, ta ‘orchestra’ y influencia pa conflicto di interes. El a haci esaki e.o. durante un entrevista cu NBC. Dugan a wordo suspendi 10 dia prome cu e evento grandi di Grammys di diadomingo awor. E ta bisa cu Grammys ta yena cu corupcion unda cu esnan poderoso ta influencia cu poder. Segun Dugan, ora cu el a drenta como CEO y a ilustra tur esaki, nan a tuma revancha y mande cas. Segun Dugan, e artistanan mes no ta envolvi, sino e casnan diskero y ehecutivonan grandi. 

REACCION E academy a reacciona bisando cu e alegacion riba e procedura di votamento y nominacion ta completamente falso. “E  academia tin protocolnan rigoroso ubica pa sigura cu e votamento ta completamente husto y liber di interes”, e declaracion ta bisa. “Pa sra Dugan sugeri cualkier cos contrario, simplemente no ta berdad”. Fuente y potret NBC News.