Construccion y renobacion di edificio Infra ta cuminsa dialuna

ORANJESTAD - Varios trabou di construccion/renobacion   ta bay tuma lugar den e edificio di infra, departamento di  DIP/DOW/ DLV  entrante dialuna awo 27 di Januari, 2020. E trabounan lo tin un duracion alredor di 3 luna pa completa  . Importante pa menciona den e inicio, cu e trabounan lo no perhudica servicionan cu   ta brinda pa e clientenan, pero espacio den e luga lo ta limita, tumando na cuenta cu e prome fase di construccion lo inicia den e entrada principal di e edificio. 

Den transcurso di e simannan venidero, DIP/DOW/DLV lo percura pa keda informa e clientenan di e desaroyonan cu lo bay tuma luga rondona di e construccion. Emeta ta pa optimalisa e servicio na balie, brinda un atencion mas directo y eficiente pa e clientenan, introduccion di e fase di digitalisacion y automatisacion, proceso pa track documento y mucho mas. 

Di antemano a kier a pidi un disculpa enorme pa e inconveniencia cu ta bay presenta durante e fase di construccion, pero alaves pidiendo comprencion y yamando danki pa e cooperacion di awo caba di cada cliente cu lo bishita e edificio di infra.