Gobierno ta bay investiga molester di habitantenan na Parkietenbos

ORANJESTAD – Gobierno lo inicia un investigacion riba e situacion di Parkietenbos, awor cu un keho official a drenta cerca nan. Ta trata di un famia cu ta biba den Parkietenbos den e area cu tin molester di huma pa motibo di e dump eynan.  Asina minister di Salud Dangui Oduber a bisa diahuebs den un conferencia di prensa. 

INVESTIGA

“Basa riba esaki, no solamente nos ta bay check e keho aki cu a drenta, pero nos tin cu bay check tambe e salud di e habitantenan den henter e area aki, pa asina nos haya un bista kico ta e consecuencia y e efectonan cu tin di dump den e besindario aki”, Oduber a bisa. Mientras cu e mandatario a bisa cu lo bay investiga, no a specifica e periodo y ni tampoco ken ta bay haci esaki. Ta conoci cu e Fundacion Parkietenbos a organisa un mainta di firma contra e situacion, pa despues entrega esaki na gobierno y otro instancianan. Potret cortesia Fundacion Parkietenbos.