KPA: Rumornan riba school shooting plamando panico inecesario

ORANJESTAD – Tin hopi panico entre alumno y mayornan rond di e situacion di menasa di Colegio Arubano. Esaki debi na e forma con cierto hendenan ta ‘plamando’ rumornan riba red social relaciona cu e menasa di ‘school shooting’ riba e scol. Relaciona cu esaki vocero di polis Lito Laclé a emiti un mensahe di trankilidad pa asina evita cu tin mas panico cu ta necesario riba e tema menciona. 

NA ALTURA Y BOU CONTROL

Nan ta mustra cu nan a tuma nota di diferente informashon riba rednan social en cuanto e situashon na Colegio Arubano cu ta causando hopi panico. “No tin ningun motibo pa crea pánico mirando cu tin hopi speculacion nan riba rednan social. Cuerpo policial ta hasiendo su investigashon y e tin e situashon bao control” e mensahe di polis ta bisa. “Cualquier informashon adicional cuerpo policial lo mantene comunidad al tanto” e mensahe ta finalisa bisando.