AZV ta introduci sistema ‘real time’ pa control di AZV+

ORANJESTAD - Manera ya ta conoci desde di introduccion di AZV na 2001, AZV ta ehecuta e Ley di AZV cu ta conta pa tur hende . Riba diamars 21 di januari ultimo  AZV a ricibi bishita di  Prome Minister Evelyn Wever-Croes, hunto cu Departamento di Recursonan Humano, Stichting Voortgezet Onderwijs Aruba, Stichting Katholiek Onderwijs Aruba, Stichting Protestants Christelijk Onderwijs Aruba, Stichting Educacion Profesional Basico, Universidad di Aruba, Dienst Openbare Werken y Serlimar pa firma un convenio nobo relaciona cu e seguro adicional pa empleadonan publico y empleadonan publico cu pensioen, e asina yama AZV+. 

Exitoso resultado

E trayecto aki a finalisa exitoso segun AZV, unda awe e informacion ta sali den tempo real pa medio di e webportal di AZV pa tur dunado di cuido. Adicionalmente e informe AZV+ ta sali directamente den e AZV app. AZV ta invita tur empleado publico y empleado publico cu pensioen pa download e App di AZV pa asina registra pa e digiZorgPas y wak mencion di AZV+ riba e digiZorgPas. Igualmente tur co-asegurado (yiunan menor di edad of co- asegurado mayor di edad) tambe ta keda invita pa download e AZV app.

Kico ta cambia?

Cu introduccion di e AZV app, no ta acepta mas pa e asina yama “Verklaring van Dienst of Garantiebrief”. E dunado di cuido mes lo mester check online si tin derecho riba AZV plus.

Mision AZV

Cu introduccion di e AZV app y AZV+ ‘real time’, AZV ta sigui su metanan primordial esta pa yega mas cerca di su aseguradonan, crea un relacion mas fuerte cu e dunadonan di cuido y profesionalisa su mes como organisacion. Un danki na Pais Aruba y tur su departamentonan cu a contribui na e bunita proyecto aki.