CEDE Aruba a honra 97 Boluntario durante VOTY Award 2019

CEDE Aruba a honra 97 Boluntario durante VOTY Award 2019

Posted on 01/22/2020 6:03 pm AST | Updated on 01/22/2020 6:06 pm AST

ORANJESTAD - CEDE Aruba a honra 97 Boluntario durante VOTY Award 2019. Tabata diadomingo 19 di Januari, den presencia di Minister President sra Evelyne Wever Croes cu CEDE Aruba su team a duna reconocimento na 97 boluntario cu a traha activamente na un of otro instancia of organisacion den nos comunidad. Cada organisacion a ricibi e oportunidad pa reconoce un boluntario special cu a destaca durante aña 2019.

Un anochi unda cu cada organisacion of fundacion a entrega nan nominado un bunita plakaat como reconocimento pa nan trabou cu nan a desplega cu amor durante henter aña. Un bunita recuerdo cu a wordo traha cu material di plastic y glas cu a wordo colecta rond di nos isla y presenta den un forma di curazon. Cu e celebracion aki CEDE Aruba lo gradici tur ‘boluntario di aña’ cu a destaca pa nan organisacion durante 2019.  Durante e ultimo añanan por mira cu e projecto VOTY Award a wordo accepta den comunidad y a crece pa casi 100 boluntario. 

Prome Minister sra Evelyn Wever Croes a hiba palabra na cuminsamento di e programa y a duna su satisfaccion pa e programa aki. Min. Pres.; “ Trabou boluntario ta algo impagabel. Sin boluntario, tur nos organisacion social, clubnan di deporte, scolnan, centronan di cuido y organisacion pa hoben no por funciona. Pesey Gobierno di Aruba tambe ta apoya e VOTY Award pa duna e mensahe cu trabou Voluntario ta essencial y cu e mester wordo reconoce.”

Minister president tambe a bisa cu CEDE Aruba ta un organisacion dinamico den veld cu ta logra yuda organisacionnan pa desaroya proyectonan cu ta sostenibel. Ehempelnan ta entre otro,  Tienermoederhuis di Stichting Casa Cuna Progreso, ampliacion di Stichting Ambiente Feliz cu un afdeling pa mucha y hoben cu desabilidad y e proyecto Signs of Safety hunto cu Bureau Sostenemi, Wit Gele Kruis y Departamento di Asunto Social. 

boluntario den nos comunidad. Pabien na tur boluntario y nan organisacionan. Tambe un gradicimento na tur cu a presenta of a yuda pa haci e anochi uno special. 

  • WOW Aruba cu donacion na ‘Happy To Give Back’

    WOW Aruba cu donacion na ‘Happy To Give Back’

    ORANJESTAD - Durante siman di 24 pa 28 di Augustus miembronan di Women empOwering Women a organisa e ‘WOW Gives Back Workout Challenge’ cu e meta di recauda fondo pa e iniciativa di CEDE Aruba ‘Happy To Give Back’. 

  • Cruz Cora: Proyecto Bek pa Skol cu Style y Animo a tuma lugar den weekend

    Cruz Cora: Proyecto Bek pa Skol cu Style y Animo a tuma lugar den weekend

    ORANJESTAD ? Diadomingo ultimo tabata un dia cu Cruz Cora Aruba a dedica na muchanan na Aruba, ya cu nan ta bai bek skol y nos grandinan. E proyecto “Bek pa Skol cu Style y Animo” a cuminsa masha chikito, unda Cruz Cora lo a invita pelukero y barberonan pa por yuda corta cabey di muchanan gratis, pero a resulta di bira un proyecto grandi cu un cantidad grandi di pelukero y tambe salon di beyeza participando. Cruz Cora Aruba por a conta cu mas cu 20 pelukero y barbero cu a tuma diferente shift na Piedra Plat Entertainment Center entre 9’or di mainta y 2’or di atardi. Pero na mes momento, varios salon di beyeza y barbershop a habri su portanan pa atende muchanan y a logra yuda 321 mucha total.  

  • Radio Telethon nacional a genera mas di 200 mil florin

    Radio Telethon nacional a genera mas di 200 mil florin

    ORANJESTAD - E radio telethon nacional “Happy to give back” den 48 ora a logra e suma di 211.461,91. Prome Minister Evelyn Wever-Croes tabata un di esnan cu a felicita organisadonan y tur esnan cu a uni e fin di siman aki pa yuda esnan den necesidad pa medio di e radio telethon nacional   Wever-Croes a expresa su gratitude na comunidad di Aruba pa a acudi na a yamada pa haci nan donacion. E placa cu a wordo recauda ta bay pa yuda e fundacionnan; Fundacion Pa Nos Comunidad, YMCA y Fundacion Ban Uni Man Pa Cria Nos Muchanan. 

  • Kiwanis cu proyecto di 'Back to School' pa 80 mucha

    Kiwanis cu proyecto di 'Back to School' pa 80 mucha

    ORANJESTAD - E aña aki un biaha mas, Kiwanis Club of Aruba, Kiwanis Club of Palm Beach, Kiwanis Club of Young Professionals Aruba y Kiwanis Club San Nicolas a uni forsa pa asina ehecuta nan proyecto di ‘Back to School’ pa muchanan den necesidad. E aña aki, cada club a escohe un scol basico y asina a haya un lista di mucha di e scol pa bin na remarca pa forma parti di e proyecto. E scolnan cu a wordo escohi ta: St. Aloysius School, Colegio Felipe B. Tromp, Fatima College, Commandeur Pieter Boerschool y Colegio Laura Wernet. 

  • Revista Focus a lansa su version digital! E prome den su concepto na Aruba

    Revista Focus a lansa su version digital!  E prome den su concepto na Aruba

    ORANJESTAD - Manera a ser anuncia cu revista Focus lo bay adapta su presentacion pa e siguiente edicionnan, pues a yega e momento pa comparti cu hopi satisfaccion cu Focus Digital t’ey pa complace e demanda grandi di e lectornan. Den un forma nobo pa lesa su paginanan den un concepto innovativo, interactivo y facil. Como e pionero den su version electronico lansando su prome ezine na 2005 y 15 aña despues ta presenta un revista, cu ta e prome den su concepto unico na Aruba. Cu un contenido editorial actualisa, su fotografia impactante y un diseño creativo, ta hiba e lector na su revista faborito na alcance di un click.

  • Kiwanis Cirkle K of Colegio EPI a realisa proyecto 'Back to School 2020'

    Kiwanis Cirkle K of Colegio EPI a realisa proyecto 'Back to School 2020'

    ORANJESTAD - Kiwanis Circle K of Colegio EPI a realisa den fin di siman nan proyecto “back to school 2020”, unda a haci entrega di 44 tas na studiantenan di kleuter te cu scol basico. E idea a bin di nan miembronan pa por haci un proyecto unda nan ta paketa tas cu tur articulonan necesario cu un hoben tin mester pa cuminsa e aña escolar cu bon pia. Durante vacacion escolar e miembronan a dedica tempo pa por planifica y despues ehecuta e proyecto. Kiwanis Circle K of Colegio EPI ta gradici; Super Shopping, Island Asia Store, KeKe Megamart y Dyon Center aunke den e tempo nan dificil e companianan a sa di duna man na e bon causa. Por ultimo Kiwanis Circle K of Colegio EPI ta desea tur studiante un bon aña escolar 2020-2021. Pa mas informacion tocante Kiwanis Circle K of EPI, por bishita nos plataformanan social Facebook: Circle K of Colegio EPI of Instagram: @ckiepi

  • Powered by SETAR