Turismo balansa tabata topico di AHATA su Asamblea General

Turismo balansa tabata topico di AHATA su Asamblea General

Posted on 01/22/2020 10:12 am AST | Updated on 01/22/2020 10:13 am AST

ORANJESTAD -  Aruba Hotel & Tourism Association (AHATA) su asamblea general di Januari a inclui orador internacional, experto den biahe y turismo sostenibel, Sr. Doug Lansky. E tema di su presentacion tabata: Turismo Balansa. 

Doug Lansky a presenta puntonan di enfoke pa por tin exito duradero den turismo y a reta sector priva y gobierno pa tuma decision cu ta sigura turismo balansa. El a defini futuro exito den turismo como un combinacion di esfuerso pa: proteha calidad di bida di e residentenan, maximalisa e impacto economico local, eleva e experiencia di e bishitante y proteha nos recursonan unico.

Durante su presentacion el a enfatisa cu nos tur mester pensa riba termino largo, cu curashi y resposabilidad pa por tin un economia sostenibel exitoso y un comunidad den harmonia. 

Aruba tin hopi exito y potencial, pero mester tuma decision dificil pa drecha e cosnan cu ta causa daño na nos recursonan natural. Ademas Doug Lansky ta sugeri pa maneha e fluho di cantidad di persona pa por ofrece experiencia autentico na nos bishitantenan. E la splika cu e palabra “overtourism” no ta corecto, pasobra e desafio ta na cierto luga y na cierto momento y no na tur luga na tur momento. Pa tal motibo e ta prefera pa identifica e problema cu mester di atencion como “unbalanced tourism”. 

E presentacion a inclui efecto di ‘Flight Shame’ riba turismo y impacto di turismo crucero na un destinacion. 

Na final di e presentacion miembronan por a haci pregunta na Sr. Lansky y e asamblea a culmina cu un momento di network pa intercambia reaccion y idea.

  • Segun encuesta, mayoria kier Toque De Queda total pa fin di Siman Santo

    Segun encuesta, mayoria kier Toque De Queda total pa fin di Siman Santo

    ORANJESTAD – For di un encuesta cu noticiacla.com a haci riba un periodo di 24 ora di tempo riba su pagina di Facebook, gran mayoria di esnan encuesta ta pro pa gobierno impone un toque de queda total entrante diahuebs santo te cu diamars proximo (otro siman). Esaki den bista con activo nos isla sa ta durante fin di siman Santo. E pregunta tabata “Ki medida bo ta haya Gobierno di Aruba mester tuma pa weekend di Semana Santa relaciona cu corona virus? (SIP= Shelter In Place). E contestanan tabata sea 1. Shutdown total e weekendof 2. SIP (Shelter in Place) y (tene) beachnan habri.

  • Aruba su casonan positivo di coronavirus a yega 74 total

    Aruba su casonan positivo di coronavirus a yega 74 total

    ORANJESTAD – Aruba a haya 2 caso acerca diamars pa un total di 74 caso positivo di coronavirus. E ‘bon’ noticia ta cu na tur e cantidad di persona recupera a aumenta te na un total di 14. Esey ta nifica cu tin 60 persona activo cu tin e virus, cu ketobay ta halto pa un isla chikito manera Aruba. Di otro banda, ta e intencion di e gobierno pa haya mas tanto posibel bou di control, envez di laga e plama rond sin sa cu e persona(nan) tin esaki. 

  • Richard Eman: Citgo a haci net net nada cu e refineria di Aruba

    Richard Eman: Citgo a haci net net nada cu e refineria di Aruba

    ORANJESTAD – Gobierno anterior (di Aruba:red) a firma un contracto cu CITGO Aruba Refinery (CAR) cu tabata beneficia solamente e refineria. Asina presidente comisario di Refineria di Aruba Richard Eman a bisa durante un conferencia di prensa diamars mainta. Segun Eman, normalmente ta cera un contract cu ta win win situation pa tur partido. Den e caso aki sinembargo, no tabatin ‘ningun’ win situacion pa Aruba. Ademas a duna CITGO tur cos, (di e refineria) pero cu CITGO a haci “net net nada cu e refineria”. 

  • FTA: KvK su posicion di confrontacion no ta yuda na nada

    FTA: KvK su posicion di confrontacion no ta yuda na nada

    ORANJESTAD – Camara di Comercio (KVK) su posicion di confrontacion no ta yuda na nada. Asina presidente di FTA Rudy Dirksz ta reacciona riba e declaracion di e gremio comercial, pa bin cu cambio di ley laboral relaciona cu e crisis di coronavirus. E gremio a manda un lista di cambio pa gobeirno efectua pa yuda sector comercial. Pero gremio sindical (por lo menos un di nan) no ta di acuerdo.

  • Gobierno evaluando seriamente pa aumenta medida pa coronavirus

    Gobierno evaluando seriamente pa aumenta medida pa coronavirus

    ORANJESTAD – Gobierno di Aruba ta evaluando seriamente pa aumenta cierto medidanan impone caba. Asina prome minister di Aruba Evelyn Wever a bisa dialuna anochi durante e briefing riba coronavirus. E mandatario a bisa cu e ta hopi decepciona riba comportacion riba un grupo di persona. E mandatario a informa noticiacla.com cu no ta descarta cu e aumento di medida lo por keda anuncia ya pa diamars caba. Esaki por nifica tambe cu cierto negoshinan cu lo normalmente por ta habri durante e fin di siman santo proximo (e fin di siman aki) por haya nan mes tin cu cera. Nos a traha un poll pa haya sa bo pensamento. Pa yega na e poll, CLICK AKI

  • Cantidad di hende hospitalisa pa coronavirus na Aruba a bira 10

    Cantidad di hende hospitalisa pa coronavirus na Aruba a bira 10

    ORANJESTAD – E cantidad di persona hospitalisa pa coronavirus a aumenta te na 10, di cual 3 ta den cuido intensivo y 7 ta keda den isolacion riba camber, esta no cuido intensivo. Asina minister presidente Evelyn Wever Croes a bisa durante e briefing di dialuna anochi. Pa loke ta e edad average, esaki ta 59 aña, mientras cu e edad mas abou ta 43 y esun mas halto ta 79. Segun Wever, hendenan ta birando enberdad mas malo y esaki ta un poco preocupante, aunke cu te awor por maneha e situacion tambe. 

  • Powered by SETAR