Turismo balansa tabata topico di AHATA su Asamblea General

Turismo balansa tabata topico di AHATA su Asamblea General

Posted on 01/22/2020 10:12 am AST | Updated on 01/22/2020 10:13 am AST

ORANJESTAD -  Aruba Hotel & Tourism Association (AHATA) su asamblea general di Januari a inclui orador internacional, experto den biahe y turismo sostenibel, Sr. Doug Lansky. E tema di su presentacion tabata: Turismo Balansa. 

Doug Lansky a presenta puntonan di enfoke pa por tin exito duradero den turismo y a reta sector priva y gobierno pa tuma decision cu ta sigura turismo balansa. El a defini futuro exito den turismo como un combinacion di esfuerso pa: proteha calidad di bida di e residentenan, maximalisa e impacto economico local, eleva e experiencia di e bishitante y proteha nos recursonan unico.

Durante su presentacion el a enfatisa cu nos tur mester pensa riba termino largo, cu curashi y resposabilidad pa por tin un economia sostenibel exitoso y un comunidad den harmonia. 

Aruba tin hopi exito y potencial, pero mester tuma decision dificil pa drecha e cosnan cu ta causa daño na nos recursonan natural. Ademas Doug Lansky ta sugeri pa maneha e fluho di cantidad di persona pa por ofrece experiencia autentico na nos bishitantenan. E la splika cu e palabra “overtourism” no ta corecto, pasobra e desafio ta na cierto luga y na cierto momento y no na tur luga na tur momento. Pa tal motibo e ta prefera pa identifica e problema cu mester di atencion como “unbalanced tourism”. 

E presentacion a inclui efecto di ‘Flight Shame’ riba turismo y impacto di turismo crucero na un destinacion. 

Na final di e presentacion miembronan por a haci pregunta na Sr. Lansky y e asamblea a culmina cu un momento di network pa intercambia reaccion y idea.

  • Parehanan di Riu Palace Aruba a renoba matrimonio durante bahada di solo

    Parehanan di Riu Palace Aruba a renoba matrimonio durante bahada di solo

    (ADVERTORIAL)

  • LABHOH orguyoso di ta e prome den region cu diagnostico pa Coronavirus

    LABHOH orguyoso di ta e prome den region cu diagnostico pa Coronavirus

    ORANJESTAD – Laboratorio di Hospital Horacio Oduber, osea LABHO, ta orguyoso di ta e prome den region cu diagnostico pa Coronavirus. Asina nan ta informa den un comunicado.  Departamento di microbiologia di LABHOH a traha duro y awe orguyosamente por anuncia cu na Aruba y e islanan Hulandes Caribense ta e prome cu a logra traha riba un test pa asina por diagnostica si un persona ta contagia cu e Coronavirus ( COVID-19). “Pues awo nos na LABHOH por realisa localmente e test pa e virus cu tanto angustia ta causando mundialmente”, nan ta sigui bisa.  

  • Setar ta anuncia interupcion di servicio di e-mail diaranson anochi

    Setar ta anuncia interupcion di servicio di e-mail diaranson anochi

    ORANJESTAD - SETAR ta informa cu debi na trabounan di mantencion lo bai tin interupcion di servicio di mail. Diaranson 19 di februari 2020 di 11:00 PM pa 11:30 PM. No por ricibi mail durante e mantencion (Setarnet y hosted mail). SETAR ta pidi disculpa pa cualkier inconveniencia.

  • Aeropuerto di Aruba a ricibi Routes Exchange Award 2020

    Aeropuerto di Aruba a ricibi Routes Exchange Award 2020

    ORANJESTAD – Aeropuerto Internacional Reina Beatrix a ricibi recientemente un premio nobo “Route Exchange Award at Routes Americas 2020”, cu ta reconoce nan excelencia den e esfuersonan den marketing digital y e participacion di e aerolineanan a traves di Route Exchange Platform 

  • OM: A confisca avioneta na Aruba pero no pa motibo di oro

    OM: A confisca avioneta na Aruba pero no pa motibo di oro

    ORANJESTAD – Mientras cu a desmenti cu a confisca un avion recinetemente relaciona cu oro for di Venezuela, ministerio publico a confirma pa noticiacla.com diamars cu enberdad a confisca un avioneta, pero pa otro motibo. “Berdad un avioneta den beslag na inicio di februari” Ann Angela a bisa. Mes momento vocero di aeropeurto Hendrik Croes tambe a confirma esaki. 

  • Autoridad di Aruba ta desmenti noticia di avion confisca cu oro for di Venezuela

    Autoridad di Aruba ta desmenti noticia di avion confisca cu oro for di Venezuela

    ORANJESTAD – Gobierno di Aruba y instancianan official manera Directie Luchtvaart ta desmenti e noticia cu varios portal Venezolano ta raporta di cu a confisca un avion Venezolano na Aruba cu lo tabata transporta ‘mas di 900 kilo di oro’. Entre e portalnan, tin ntn24 cu ta raporta cu ta ‘gobierno di Aruba a decomisa’ e avion na aeropuerto di Aruba. “Henter e storia aki ta fictisio y no ta basa riba evento real” ta loke oficina di minister di husticia Andin Bikker a bisa e portal awe mainta. “Nos no por confirma e noticia ey”, director di direccion di Aviacion Civil Edwin Kelly a bisa e portal aki. 

  • wc2 enero
  • Powered by SETAR