DVG ta sigui caso di coronavirus di cerca pa Aruba

Posted on 01/22/2020 9:45 am AST | Updated on 01/22/2020 9:46 am AST

ORANJESTAD – Departamento di Salud di Aruba ta siguiendo e caso di coronavirus (di China) hopi di cerca. Asina nan a informa den un comunicado. Dia 31 di December World Health Organisation (WHO) a wordo notifica aserca di casonan di pulmonia cu tawata aumentando na Wuhan China, di cual e causante a wordo identifica como un Novel Corona Virus. E prome caso identifica a wordo epidemiologicamente relata na un seafood market den Wuhan China. 

Señalnan comun di e infeccion ta sintomanan di e sistema respiratorio, keintura, tosamento, rosea cortico y dificultad pa hala rosea. Den casonan mas severo e infeccion por ocaciona pulmonia, sintomanan di e sistema respiratorio grave, problema di rion y asta morto. Casonan cu historia di biahe pa Wuhan a wordo señala den otro areanan di China, manera Beijing y Guangdong. Thailandia, Japon y South Korea tambe a raporta casonan. Informacion te na e momontonan aki ta indica un total di 205 caso señala pa laboratorio di 2019 n-CoV y 3 caso registra di morto.

Debi na e celebracion di Aña Nobo Chines cu dentro di poco ta bay wordo celebra, lo bay tin aumento den biahamento pa China, for di China y den China mes, unda e posibilidad pa aumento den casonan di transmicion ta grandi, pero te cu ainda WHO no a presenta ningun restriccion di biahe pa China.

Departamento di Salud Publico di Aruba ta bezig ta monitor desaroyonan internacional di cerca relaciona cu e Novel Corona Virus. Basa riba kico e Comitee Internacional di Emergencia dicidi, si ta declara e Novel Corona Virus un emergencia pa salud publico of un precupacion internacional, DVG di Aruba lo aumenta su vigilancia pa sintomanan respiratorio especialmente pa biaheronan prosedente di paisnan unda casonan a wordo raporta. Departamento di Salud Publico tin un plan pa contene infeccion causa pa un virus respiratorio y esaki lo wordo activa unabes cu señala un posibel caso di Novel Corona Virus na Aruba.

Como Departamento di Salud Publico nos lo keda informa comunidad debidamente riba e desaroyonan rond di e topico aki.

  • DVG: Cargamento nobo di PCR test a yega Aruba

    DVG: Cargamento nobo di PCR test a yega Aruba

    ORANJESTAD - Cargamento nobo di mas PCR Test Kit a yega Aruba. Asina departamento di salud a informa diadomingo anochi. Cu esaki nan ta bisa di ta sigura cu entrante e siman aki tin suficiente test e siman aki atrobe pa ciudadanonan por test pa e virus aki. Na comienso di siman riba pregunta di e portal aki, cu tin scarsedad di test, gobierno a confirma esaki y a bisa cu enberdad tin scarsedad pero cu testnan ta na caminda. Ta recomenda tur hende, si bo tin sintoma keda cas y tuma contacto liher cu bo dr. di cas. Mas trempan bo haci bo test, menos chens tin pa bo infecta bo famia of otronan.

  • Casonan positivo di COVID19 a baha pero positivity rate ta sigui halto

    Casonan positivo di COVID19 a baha pero positivity rate ta sigui halto

    ORANJESTAD – Departamento di Salud di Aruba (DVG) a registra e di dos cantidad mas abou di caso positivo di COVID19 na Aruba entre residentenan desde cu e di dos ola a cuminsa na augustus ultimo. Apenas 10 persona (e cantidad mas abou tabata 9) a test positivo di apenas 37 test haci na laboratorio. Esaki ta pone tambe cu e positivity rate (e cantidad di casonan positivo entre esnan cu a test) ta keda halto, esta 27% siendo cu e tin cu baha bou di 5%.  

  • SETAR ta informa encuanto Sun Outage cu efecto riba Cable TV

    SETAR ta informa encuanto Sun Outage cu efecto riba Cable TV

    (ADVERTORIAL)

  • SETAR ta informa encuanto Sun Outage cu efecto riba Cable TV

    SETAR ta informa encuanto Sun Outage cu efecto riba Cable TV

    (ADVERTORIAL)

  • No ta pasobra un pashent di COVID19 bandona hospital, kier men cu e la cura

    No ta pasobra un pashent di COVID19 bandona hospital, kier men cu e la cura

    ORANJESTAD – No ta pasobra un pashent cu tabata hospitalisa pa COVID19 ta ‘bandona’ hospital, ta nifica cu e ta recupera. Asina vocero di hospital Charlaine Huntington a confirma un pregunta recien di noticiacla.com. E hecho cu un pashent ta bandona hospital, tin varios motibo. Y un di esnan mas comun ta cu nan situacion a bira ‘menos grave’, pero no ta nifica cu nan ta liber di COVID19. Esey ta haci cu e anuncio di cu ‘tin menos hende den hospital, ta nifica cu cos ta miho’, no ta completamente real ni corecto y ta duna un bista ‘falso’ di e situacion real. 

  • Crisis Team: ta mantene orario actual di Toque de Queda un siman mas

    Crisis Team: ta mantene orario actual di Toque de Queda un siman mas

    ORANJESTAD  - Toque de Queda ta keda di 10 or di anochi pa 5 or di mainta y ora di ciere pa establecimentonan ta 9or di anochi. Asina Crisis Team a informa diabierna atardi den un comunicado. Crisis Team a evalua e cifranan di e situacion actual di e pandemia na Aruba y tambe e peticion haci di parti di e asociacion di Horeca pa trece cambio na orario di ciere y Toque de Queda. 

  • Powered by SETAR