BBC: Scientificonan a descubri celnan humano cu por trata y cura cancer

WALES – Descubrimento di un parti nobo di nos ‘sistema di imunidad’ por trata y cura tur tipo di cancer. Asina cientificonan di e Universidad di Cardif na Inglatera a bisa, segun un raportahe di e portal di noticia britanico BBC. E ekipo di e Universidad a descubri un metodo pa mata cancer di prostaat, pecho, pulmon y otro tipo di cancer den pruebanan di laboratorio. 

DESCUBRIMENTO

E descubrimentonan, publica den Nature Immunology, no a wordo getest ainda riba hende, pero investigadornan ta bisa cu e tin ‘enorme potencial’. E trabou ta den su fase inicial pero  nan ta hopi entusiasma.  

KICO NAN A HAYA

Nos sistema di imunidad ta e defensa natural di nos curpa contra infection, pero tambe e ta ataca celulanan canceroso. Scientificonan tabata busca pa formanan no convencional y sistema anteriormente no descubri di imunidad cu ta blokea tumor naturalmente. Loke nan a haya ta un ‘t-cel den sanger di hende. Esey ta un cel imun cu por scan e curpa pa acerta si tin un menasa cu mester keda elimina. E diferencia ta cu esaki por ataca un variedad grandi di cancer. “Tin un chens pa trata tur pashent”, Profesor Andrew Sewell a bisa BBC. A descubri e cel cu ta haya y destrui un variedad grandi di cel canceroso den laboratorio incluyendo di pulmon, cuero, colo, pecho, weso, prostate, ovario, riñon.