WILLEMSTAD.- Corsou a habri siman cu un pagina scure despues di un caso di asesinato cu a costa bida di dos hoben. Sin cu e prome luna a termina, ya a yega e cantidad di 4 victima di asesinato. Remarcabel ta cu e number 2, 3 y 4, tur tres a keda registra riba Ser’I Papaya.
Ayera nochi alrededor di binti pa ocho, Central di polis a ricibi informacion cu den Kaya Brisa un tiramento a tuma lugar y cu tin dos persona herida. Unidad policial cu a yega na e sitio a topa cu un homber drumi abou banda di Centro di Bario Seru Papaua cu herida di bala na e parti ariba di su curpa. Un tiki mas dilanti di un caso, polis a topa cu un dama drumi abou cu tambe tabatin herida di bala na e parti ariba di su curpa. Personal di ambulance cu a presenta na e sitio a haci lo maxima pero tur dos victima a fayece. Docter di polis alrededor di dies pa nuebe di anochi a constata morto di ambos victima. Cortesia Extra Curacao.
WILLEMSTAD – Mientras cu e biaha aki tabatin 12 condecoracion mas cu aña pasa (42 compara cu 30 aña pasa) riba e islanan di Reino Hulandes, e isla tin hopi mas hende y den tamaño tambe ta cuater biaha mas grandi cu Aruba, Corsou tabatin ‘apenas’ 8 ciudadano cu a haya Condecoracion Real, compara cu Aruba, cu a haya 18. Na Hulanda tabatin 3333 persona cu a haya condecoracion.
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.