Conocido actor di novela Raul Amundaray a bay sosega

HOUSTON – E conocido actor Venezolano Raul Amundaray a bay sosega diamars na edad di 84 aña di edad. Un persona cu pa generacion di añanan 70, y 80 tabata super popular pa tur e telenovelanan cu el a participa aden. E tabatin un relacion special cu Aruba y a te hasta casa cu un persona di aki pa un tempo. For di e matrimonio a nace tres yiu. Ultimo añanan el a muda pa Houston Texas. Eynan el a sigui su bida, y te hasta crea un lugar pa entrena actornan di futuro. 

YIU MUHER

Riba su pagina di Facebook, su yiu muher Omira, el a dedica un mensahe pa su tata. “ Awe mi kier celebra e bida di mi idolo, mi tata. El a biba un bida bon, un bida cu no tur hende ta logra biba di fama y privilegio y amor, prome cu e tabata un actor stima di renombre internacional den e mundo Latino’, e mensahe a cuminsa bisa. “E tabata mi tata, e prome actor di Venezuela y Aruba stima, y a fayece na Houston, Texas. El a laga un bida di exito y legacy pa nos tur. Sosega na paz papi, nos ta stima bo!”