Sindicatonan a bolbe duna gobierno un siman pa resolve indexering

ORANJESTAD – E bloke di sindicato SPA, SADA, SIMAR, SEPPA a duna gobierno un siman di tempo atrobe dialuna, pa resolve e asunto di indexering. Esaki ta pa dialuna 27 di januari proximo. E vocero di e grupo, Eduard Maduro a splica despues cu tin basta tempo sin tende nada, despues di a entrega un carta na December, kier un update. Un commission cu mester a keda forma, a keda forma pero no a yama ningun reunion pa esaki. Esey ta mustra e ‘desinteres’ di gobierno pa e tema aki. A reitera cu no ta bay acepta e 5 florin y 76 cen na indexering y ta lamenta cu 2019 a termina sin cu tin un solucion.