PALM BEACH - Dialuna atardi durante un conferencia di prensa, The Casino at The Ritz-Carlton, Aruba a revela su grandioso campaña di aña 2020: $1 Million Cash Giveaway, unda cu lo tin $1 Miyon na premionan cash pa tur su bishitantenan.
“Tur hende tawata ansioso pa haya sa ta cu cua campaña The Casino at The Ritz-Carlton , Aruba lo bin cune e aña aki, mirando cu aña pasa tawata spectacular cu e Deal or Wheel campaign unda e ganador por a scohe entre e Ferrari 488GTB Spider of $250,000 cash,” a comenta Axl Ismail, Director of Casino Operations di The Casino at The Ritz-Carlton, Aruba, “Tawatin hopi speculacion di kiko e campaña lo ta mirando cu aña 2019 tawata fenomenal. Y e aña aki lo ta mas grandi ainda.” E momento a yega unda a revela e campaña di aña 2020 y tur hende presente a keda sorprendi. The Casino at The Ritz-Carlton, Aruba ta e prome casino pa lansa un campaña di e magnitud aki den henter Caribe.
Despues a hiba palabra Joanna Maya, Communications & Promotions Manager di The Casino at The Ritz-Carlton, Aruba unda cu ela splika con por participa den e grandioso campaña aki. Mester ta of bira un VIP member door di pasa registra cu un ID valido na e Casino VIP Desk, esaki ta completamente gratis. Pa cada 80 punto na slot machines y $40 theoretical na weganan di mesa ta ricibi 1 ticket di rifa. Lo tin 15 finalista pa e prome sorteo cu lo tuma luga dia 31 di maart. Tambe ela añadi cu tur e bishitantenan di The Casino at The Ritz-Carlton, Aruba por participa den diferente promocionnan durante siman y tambe por forma parti di nan Tier program cu ta ofrece beneficionan unico.
Pa clausura, Yahira Santoni, Communications Manager di The Ritz-Carlton, Aruba, a indica cu e aña aki ta duna un extra opcion pa haya ticket di rifa pa participa den e tremendo campaña aki ora di tin un cena na Casa Nonna New York of BLT Steak. Cu cada cena na e resturantnan aki ta ricibi un voucher. Mester hiba e voucher hunto cu e recibo na e Casino VIP Desk y e bishitante lo haya su ticket di participacion.
Axl Ismail tawata tin un pregunta pa tur persona presente: “Dicon bo lo hunga cualkier otro caminda si bo por hunga na Aruba’s Most Rewarding Casino?!”
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.