Poste di luz a bin abou riba veld di Riverplate den presencia di mucha

ORANJESTAD – Durante un wega di futbol di mucha, riba tereno di Riverplate diasabra, a surgi un situacion hopi peligroso ora un poste di luz a bin abou. Investigacion tin cu determina e causa exacto pero ta mustra cu ta mantencion por ta un factor. Minister di deporte Dangui Oduber a reacciona mesora. “?Danki Dios no tawata tin ningun herido pero e por tawata fatal. Nos tin atencion pa esaki y lo tuma accion di inmediato pa haci un inspeccion na tur otro club y facilidadnan deportivo pa evita algo asina ripiti “ Oduber a sigui bisa. Segun e mandatario, pesey nan ta insisti pa Canadian Bank Note y Lotto duna mas placa na deporte pa por inverti den mantencion.