Aruba a conoce su Reinanan di Carnaval 66 diadomingo marduga

Posted on 01/19/2020 3:15 am AST | Updated on 01/19/2020 8:58 pm AST

SAN NICOLAS – Aruba a conoce su reinanan di Carnaval 66 diadomingo marduga. Despues cu a saca e reina infantil (wak otro raportahe) tabata den careda di  2:30am cu Aruba a cera conoci cu su Reina Hubenil, e hobencita Alysa Simon representando Kiwanis Builder Club. Alysa Simon a bay cu e titulonan tambe di: Popular - Best Show - Best Speech - Best Costume. Di prome finalista a keda den e hobencita Tychessa Melo representando Champagne Carnival Group y el a gana tambe e titulonan di: Best Makeup y Best Dress. Y di dos finalista ta Jayleen Croes represantando Majestic Carnival Group y a gana tambe e titulonan di Youth Queen MAS Setar

Di biaha a sigui cu e resultado di Señora Carnaval y pa 2:50 Aruba a conoce su Sra Carnaval 2020 den persona di sra Neiffi Kock Sierra representando Infinity Carnival Group. Band’i e titulo maximo, Sra Neiffi Kock Sierra a bay cu e titulonan tambe di: Mrs Queen Setar - Best Makeup - Sra Popular y Best Show. 

Prome finalista di Sra Carnaval 65 a keda den persona di Jolanda Salas representando TOB y a conkista e titulonan tambe di: Best Speech - Best Costume y Best Dress

Finalmente pa 3:06 di marduga Reina di Aruba su Carnaval 66 a keda elegi y ta den persona di Rudyanne Lejuez representando Champagne Carnival Group y a bay cu varios titulo tambe di: 

Popular  - Best Speech - Best Costume - Best Show y Best Dress. 

Como di prome finalista tabata Richinella Henriquez representando EPI. Y di dos finalista a keda pa Josylaine Martinus representando San Nicolas cu a bay tambe cu e titulonan tdi Best Makeup -  Queen of Setar.

Potretnan cortesia ClickAruba.com

  • Powered by SETAR