Boto di Marina Real lo intensifica patruya den awanan di islanan ABC

ORANJESTAD - E barco di Marina Real Zr.Ms. Groningen cu su helicopter NH-90 lo intensifica su patruyanan den awanan teritorial di Aruba, Corsou y Bonaire. Asina Warda Costa a laga sa diabierna. No ta bisa si, pakico ta intensifica e patruyanan. E barco ta traha cu Wardacosta den e trabounan pa vigila y proteha e frontera maritimo di e islanan di transportenan ilegal di droga, arma, imigracion ilegal i traficacion di hende, cu e meta pa combati criminalidad. Tur e patruyanan lo ser ehecuta den colaborashon estrecho cu e Centro di Rescate di Wardacosta, e botonan Metal Sharks, e avion Dash 8 y tambe e helicopter di Wardacosta. Banda di esey e milisianonan di Aruba y Corsou tambe lo keda sostene e patruyanan den e awanan rondo di e islanan.